“Ford” kompaniýasy 3D çapyň galyndylaryndan käbir awtoulag böleklerini öndürip başlandygyny aýtdy. Kompaniýa bu taslamany "HP" bilen bilelikde durmuşa geçirýär diýip, msn.com habar berdi.
“Ford” eýýäm köp wagtdan bäri awtoulag böleklerini 3D çapyň kömegi bilen taýýarlap gelýär. Kompaniýa munuň üçin 3D çap enjamlaryny "HP"-den satyn aldy. Bu tehnologiýada galyndy az bolýar. Ýöne az hem bolsa bar. Şonuň üçin “Ford” "HP" bilen gaýtadan işlemek tehnologiýasyny ösdürmek boýunça işleşdi. Hususan-da, galyndylardan F-250 pikapynyň ýangyç liniýasynyň fiksatorlary öndürilýär.
“Ford” muny awtoulag pudagynda ilkinji bolup amala aşyrýandygyny öňe sürdi. Mundan başga-da, bu görnüşde ýasalan fiksatorlar 7% ýeňil we 10% arzan.
