135 ýyl mundan öň şu gün, 29-njy martda meşhur içginiň — «Koka-Kolanyň» taýýarlanyş usuly döredildi. Bilimi boýunça farmasewt bolan Jon Stit Pemberton kellagyryny bejermek üçin derman gözleýär. Munuň üçin ol karamel reňkli üýtgeşik sirop taýýarlaýar.
Içginiň taýýarlanyş usulyna koka ýapraklarynyň suwy, şeker we kofein giripdi, şonuň üçin içgi ruhlandyryjy görnüşde bolýar. Sirop süýji, goýy bolup, onuň tagamy Pembertona ýaraýar.
Ilkinji sirop dermanhanada stakanyna bäş sentden satylýar. Soňrak içgä gazlandyrylan suwy goşup başlaýarlar. Şol wagtlarda hem içgi «Koka-Kola» (Coca-Cola) adyny alýar.
Pemberton ýogalandan soň, işewür Aza Kendler onuň dul aýalyndan 2300 dollara «Koka-Kolanyň» taýýarlanyş usulyny satyn alýar. 1893-nji ýylyň 31-nji ýanwarynda «Koka-Kola» söwda belligi ABŞ-da resmi taýdan hasaba alynýar.