Düýn, 23-nji martda Russiýanyň Prezidenti Wladimir Putine koronawirusa garşy sanjym edildi. Bu barada RIA Nowosti habar berýär.
Döwlet Baştutany duşenbe güni sanjym meselesi boýunça geçirilen ýygnagyň dowamynda özüniň sanjym aljakdygyny aýtdy. Şonda ol COVID-19-a garşy döwlet sanjymlarynyň üçüsiniň hem ygtybarlydygyny we netijeliligini aýdyp, sanjymy döredijileri döwlet baýraklaryna hödürlemegi tabşyrdy.
Putiniň çykyşyndan soň, Kremlde prezidentiň sanjymynyň köpçülikleýin çäre bolmajakdygy aýdyldy. Şeýle-de, Kremliň sanjymyň adyny mälim etmejekdigi, sebäbi rus sanjymlarynyň ählisiniň ygtybarly we täsirlidigi bellenildi.
Russiýada koronawirusa garşy köpçülikleýin sanjym 18-nji dekabrda başlandy, ýöne sanjym 5-nji dekabrdan başlap howp astyndaky toparlardan bolan raýat kategoriýalary üçin elýeterli boldy. Sanjym, esasan, iki komponentli “Sputnik V” arkaly alnyp barylýar. Ol SARS-CoV-2-ä garşy dünýäde ilkinji bellige alnan sanjym boldy.