Hytaýyň "Hong Guang Mini EV" kiçijik elektrikli heçbegi 2021-nji ýylyň ilkinji iki aýynda öňki lider "Tesla Model 3"-den ozup, dünýä satuwynda birinji ýeri eýeledi. Umuman alanyňda, ýanwar we fewral aýlarynda Hytaýyň "Wuling" kompaniýasy 56,000-den gowrak "Hong Guang Mini" elektrikli ulagyny satdy. Bu barada 3dnews.ru habar berdi.
"Wuling" kiçijik heçbegiň ýanwar aýynda 36,000-den gowragyny we fewral aýynda 20,000-den gowragyny satdy. Bu döwürde "Model 3"-iň satuwy, degişlilikde, 21,500 we 13,700-e golaý boldy.
"Hong Guang Mini EV" Hytaýyň döwlet eýeçiligindäki "SAIC Motor"-yň, "Wuling Motors"-yň we "General Motors"-yň bilelikdäki kärhanasydyr. Hytaýda oňa diňe "Wuling" diýilýär.
Häzirki wagtda “Hong Guang Mini EV” diňe Hytaýda satylýar. Ol 2020-nji ýylyň ikinji ýarymynda satuwda "Tesla Model 3"-den öňe geçdi we iýul aýyndan soň satylyp başlan hem bolsa, ýylyň jemi boýunça ikinji ýeri eýeledi.