Birleşen Milletler Guramasynyň Ýewropa Ykdysady Komissiýasy "täze awtoulagyň ysyny" adam saglygy üçin howply diýip ykrar etdi. Şunuň bilen baglylykda, basym awtoulag bezeginde ulanylýan materiallara bolan talaplar has berkäp biler. Muny ferra.ru habar berýär.
Şunuň bilen baglylykda, degişli maslahatlar BMG ÝYK-nyň ulag serişdeleriniň içindäki howanyň hiliniň standartlary boýunça gollanmasynda görkezilýär. "Täze awtoulagyň ysy" plastmassa, ýelim, matalar we beýleki bezeg materiallary tarapyndan bölünip çykarylýan madda sebäpli emele gelýär diýip, hünärmenler gürrüň berýärler. Ysyň döremegine, esasan, sekiz sany uçýan organiki birleşmeler hem goşant goşýarlar. Olara asetaldegid, akrolin, benzol, etilbenzol, formaldegid, stirol, toluen we ksilen degişli. Bu birleşmeleriň hemmesi adam üçin howply bolup durýar. Olar käbir adamlarda allergiýanyň döremegine hem sebäp bolup bilýärler. Mundan başga-da, maddalar awtoulagda uzak wagtlap saklanýar diýip, çeşme ýazýar.