Samsung urga çydamly ortatap smartfon çykardy

Samsung urga çydamly ortatap smartfon çykardy

Birnäçe aýlap dowam eden myş-myşlardan we çaklamalardan soň “Samsung” urga çydamly ortatap smartfonyny — “Galaxy XCover 5”-i hödürledi. Enjama iň agyr şertlerde çylşyrymly işleri ýerine ýetirmek üçin birnäçe funksiýalar ornaşdyryldy diýip, ferra.ru habar berdi.

Mysal üçin, “Samsung”-yň resmi web sahypasyna görä, smartfon ýokary urgy siňdirişi (amortizasiýasy) sebäpli 1,5 metre çenli belentlikden gaçmaga çydap biler. Şeýle hem, enjam IP68 standartyna laýyklykda tozandan we çyglylykdan goralandyr. Bu onuň suwda 1 metrden gowrak çuňlukda 30 minutdan hem köp saklanyp biljekdigini aňladýar.
“Glove Touch” tehnologiýasynyň ornaşdyrylmagy smartfony ellikli hem ulanmaga mümkinçilik berdi.
Smartfon Exynos850 çipine esaslanýar we RAM hem-de içindäki hemişelik ýat, degişlilikde, 4 we 64 GB barabar. Esasy kamera 16 megapiksel, öňdäki kamera 5 megapiksel. Batareýanyň kuwwaty 3000 mAh bolup, häzirki zaman enjamlarynyň köpüsinden tapawutlylykda, ony aýryp bolýar.