Ýaponiýa Ýeriň orbitasyna budda ybadathanasyny çykarar

  • 15.02.2021 23:26
  • 9.2k+
Ýaponiýa Ýeriň orbitasyna budda ybadathanasyny çykarar

Ýaponiýa 2023-nji ýylda taryhda ilkinji gezek budda ybadathanasyny Ýeriň orbitasyna çykarmagy meýilleşdirýär. Potratçy hökmünde ybadathanany döretjek we ony planetamyzyň orbitasyna çykarjak “Terra Space” korporasiýasy saýlandy. Bu barada russia-news.ru habar berýär.

Mundan öň, Kiotonyň Daýgodzi ybadathanasynyň monahlarynyň “Terra Space-iň” inženerleri bilen şeýle üýtgeşik taslamany durmuşa geçirmek barada şertnama baglaşandygy habar berildi. Olaryň ybadathanasy 847-nji ýylda guruldy. Özüniň köp asyrlyk taryhy bilen ol her ýyl millionlarça zyýaratçyny özüne çekýär. Diňe Ýerde däl, eýsem, kosmosda-da tanalmak üçin monahlar planetanyň orbitasynda kiçiräk mukaddes ýer gurup, ybadathana döretmek kararyna geldiler.
Ybadathananyň içinde mukaddes ýadygärlikler we hatda Buddanyň heýkeli hem ýerleşdiriler. Ybadathana 90 minutda Ýeriň orbitasyna aýlanar. Ybadathanada parahatçylygy goldamak üçin yzygiderli hyzmatlar geçiriler, birnäçe wagtdan soň ybadathanadan alnan şekiller Ýerde görkeziler.

Antarktidanyň kenarýakalarynda ilkinji gezek akula göründi
düýn 21:38
5.8k+

Antarktidanyň kenarýakalarynda ilkinji gezek akula göründi

Awstraliýaly alymlar topary Antarktikanyň suwlarynda, Günorta Şetland adalarynyň golaýynda ilkinji gezek akulanyň bardygyny hasaba aldy. Bu barada Associated Press habarlar agentligi habar berýär. Günbatar Awstraliýa uniwersitetiniň professory Alan Jeýmison: «Biz ol ýerde akula göreris diýip garaşmandyk, sebäbi Antarktikada akulalar ýok diýen umumy kabul edilen ylmy garaýyş bardy» diýip belledi...

ABŞ-da lagymdan 185 kilogramlyk lamantin halas edildi
düýn 12:31
3.4k+

ABŞ-da lagymdan 185 kilogramlyk lamantin halas edildi

ABŞ-nyň Florida ştatyndaky Melburn-Biç kenarynyň golaýynda, siliň suwuny akdyrýan lagym ulgamynda gysylyp galan 185 kilogramlyk äpet lamantin tapyldy. New York Post neşiriniň habar bermegine görä, bu deňiz süýdemdirijisini Melburn-Biç kärhanasynyň bir işgäri görüp, derrew degişli gulluklara habar beripdir...

Fransiýada 36 gün bäri dynman ýagan ýagyş taryhy rekordy täzeledi
düýn 10:39
8.3k+

Fransiýada 36 gün bäri dynman ýagan ýagyş taryhy rekordy täzeledi

Fransiýada ýagynly günleriň dowamlylygy boýunça taryhy rekord hasaba alyndy. BFMTV teleýaýlymynyň habar bermegine görä, ýurtda 15-nji ýanwardan bäri, ýagny 36 günläp yzyny üzmän ýagyş ýagýar. Howanyň ýaramazlaşmagy bilen 17-nji fewralda dört sany departamentde sil gelme ähtimallygy zerarly iň ýokary — "gyzyl" derejeli howp yglan edildi...

Portugaliýada tupanlaryň ýetiren zyýany 5,5 milliard ýewrodan geçdi
18.02.2026 23:24
6.4k+

Portugaliýada tupanlaryň ýetiren zyýany 5,5 milliard ýewrodan geçdi

Portugaliýanyň hökümetiniň we senagat guramalarynyň berýän deslapky maglumatlaryna görä, ýanwar-fewral aýlarynda ýurda inen tupanlaryň ýetiren umumy maddy zyýany 5,5 milliard ýewrodan aşdy. Iň uly ýitgiler döwlet we şahsy emläklere degişli bolup, olaryň möçberi 4,5 milliard ýewrodan gowrak diýlip kesgitlenilýär...