Garyşyk başa-baş göreşiň (MMA) amerikaly wekili Dastin Porýe özüniň Twitter sahypasynda iki agram kategoriýasynda Absolýut göreş çempionatynyň ozalky çempiony Konor Makgregor bilen üçünji gezek söweşmäge taýýardygyny aýtdy. Bu barada vedomostisport.ru habar berýär.
“Bilýärsiňizmi, biz üçünji gezek hem söweşeris” – diýip, Porýe ýazdy.
24-nji ýanwarda UFC 257 turnirinde türgenler rewanş söweşinde duşuşdylar. Söweş Porýeniň ikinji raundda tehniki nokaut arkaly ýeňşi bilen tamamlandy. Konor bilen Porýe ilkinji gezek 2014-nji ýylyň sentýabr aýynda söweşdiler, şonda Makgregor Porýeni birinji raundda nokauta gidirdi.
Öz gezeginde, Konor Makgregor hem Dastin Porýe bilen üçünji söweşiň mümkindigi barada aýtdy.
“Meniň özüm hem üçünji söweş bolmalydyr diýip kän pikir etmeýärdim, ýöne bu wariant barada pikirlenmedim diýsem ýalan sözledigim bolar. Üçünji söweşiň bolmalydygy indi düşnükli” – diýip, Makgregor ýazdy.
Makgregoryň hasabynda 27 söweş bolup, olaryň 22-sinde ýeňiş gazandy, bäş söweşde ýeňildi. Makgregor UFC-niň taryhynda ilkinji bolup iki agramda – ýeňil we ýarym ýeňil agramda guşaga eýe boldy.