Amerikanyň “Apple” kompaniýasy stolüsti "iMac all-in-one" kompýuterini 2012-nji ýyldan bäri ilkinji gezek döwrebaplaşdyrmakçy bolýar. Bu barada “Bloomberg”-e salgylanyp, live24.ru habar berýär.
Žurnalistleriň bellemegine görä, "kupertinolylar" Intel prosessorlaryndan markaly çiplere geçmegiň çäginde täzelenme amala aşyrar. Täze modellerde, hususan-da, ekranyň töweregindäki goýy gara araçäkler azaldylar we olaryň dizaýny “Apple Pro Display XDR”-e meňzär. iMac-yň indiki nesliniň arkasy tekiz bolar.
“Apple” häzirki 21.5 dýuým we 27 dýuým modelleriň ornuny tutmak üçin J456 we J457 kodly kompýuterleriň iki wersiýasyny bazara çykarmagy meýilleşdirýär. Munuň 2021-nji ýylyň ahyrynda bolmagy mümkin diýip çaklanylýar.
Täze modeller indiki nesliň “Apple Mac” prosessorlary bilen üpjün ediler.
