2020-nji ýylda dünýäde kompýuter satuwy soňky 10 ýylda iň çalt depgine eýe boldy

2020-nji ýylda dünýäde kompýuter satuwy soňky 10 ýylda iň çalt depgine eýe boldy

2020-nji ýylda kompýuter satuwynyň ösüşi soňky on ýylda iň çalt depgine eýe boldy. Muny COVID-19 pandemiýasy wagtynda mobil enjamlardan kompýutere geçiş tendensiýasyny görkezýän pudak maglumatlary tassyklaýar. Bu barada interfax.ru habar berýär.

"Kompýutere bolan isleg onuň satuwyny ýokarlandyrýar we ähli zat ösüşiň dowam etjekdigini görkezýär" -diýip, "International Data Corp." (IDC) kompaniýasynyň Worldwide Mobile Device Trackers programmasynyň wise-prezidenti Raýan Reýt mälim etdi.

IDC-niň maglumatyna görä, geçen ýyl 302,6 million kompýuter satyldy, bu bolsa bir ýyl ozalkydan 13% köpdür.

"Biz şeýle ösüşe soňky gezek 2010-njy ýylda şaýat bolduk - 13,7%. Soňky on ýylda köp zat üýtgedi, şol sanda kompýuter bazary pese gaçdy" diýip, IDC belleýär.

Gartner 2020-nji ýylda dünýäde kompýuter satuwynyň 275 milliona barabar bolup, 2019-njy ýyl bilen deňeşdirilende, 4,8% ýokarydygyny çaklaýar we onuň pikiriçe, munuň özi soňky 10 ýylda iň ýokary görkezijidir.