Meşhur “YouTube” wideo hyzmatynyň topary 2020-nji ýylyň jemlerini jemleýär. Şunuň bilen baglylykda, mowzuklardaky wideolaryň sanyna esaslanyp, “YouTube”-da oýunlaryň meşhurlygy baradaky statistika köpçülige hödürlenildi. Bu barada se7en.ws habar berýär.
Statistikalar Twitter sosial ulgamynda resmi "YouTube Creators" sahypasynda çap edildi. Netijede, 2020-nji ýylda iň köp görlen oýun Minecraft boldy. "YouTube" ulanyjylary oňa 201 milliard gezek tomaşa etdiler.
Ikinji ýeri 76 milliard tomaşa bilen “Roblox” eýeledi, ondan soňra 72 milliard tomaşa bilen “Garena Free Fire”, 70 milliard tomaşa bilen “Grand Theft Auto V” we 5-nji ýerde bolsa 67 milliard tomaşa bilen “Fortnite” ýerleşdi.
Umuman alanyňda, ulanyjylar "YouTube"-da oýun kontentine tomaşa etmek üçin 100 milliard sagatdan gowrak wagt sarp etdiler. Bu bolsa 11,5 million töweregi ýyl diýmekdir.
