IMDb 2020-nji ýylyň iň meşhur 10 teleserialyny yglan etdi

IMDb 2020-nji ýylyň iň meşhur 10 teleserialyny yglan etdi

Iň iri kino maglumatlar bazasy bolan Internet Kino Maglumatlar bazasy (IMDb) tomaşaçylaryň gyzyklanmalaryna esaslanyp, 2020-nji ýylyň meşhur teleseriallarynyň sanawyny düzdi. Bu barada Sibnet.ru habar berýär.

Reýtingde IMDb ulanyjylarynyň arasynda iň meşhur bolan 2020-nji ýylda döredilen iň oňat 10 teleýaýlym görkezilýär.
2020-nji ýylda iň köp tomaşa edilen 10 serial:
"Oglanlar"
"Kagyz öýi"
"Tümlük"
"Ozark"
"Mandalorly"
"Perziniň göçümi"
"Saýawan akademiýasy"
"Ýabany Günbatar dünýäsi"
"Jadygöý"
"Täç"

“Oglanlar” seriýaly Gart Ennisiň gülküli komiksler seriýasyna esaslanýar. Bu serialda wakalar super gahrymanlaryň dünýäsinde bolup geçýär. Olar - hakyky ýyldyzlar, olary her kim tanaýar we gowy görýär. Emma durmuşdaky gahrymanlar, köplenç, hemişe ýakymly adamlar däl. Serialda "Oglanlar" diýlip atlandyrylýan bir topar super gahrymanlara garşy çykýar. Olar adalaty dikeltmek isleýän adaty adamlardan ybarat.
"Kagyz öýi" - ispan kriminal dramasydyr. Onda "Professor" lakamly bir syrly adam Korollyk zikgehanasyny talamak üçin topar ýygnaýar. Soňra sosial zerurlyklara sarp etmek üçin ummasyz mukdarda - 2,4 milliard ýewro ogurlamagy meýilleşdirýär.
“Tümlük” serialynyň wakalary Winden hyýaly şäherinde (Germaniýa) bolup geçýär. Iki çaganyň ýitirim bolmagy bilen başlanan wakalar birnäçe nesle täsir edýän wagt syýahaty barada bir syry ýuwaş-ýuwaşdan öwrenýän dört Winden maşgalasynyň syrlaryny we gizlin baglanyşyklaryny açýar. Serialyň dowamynda wagtyň ekzistensial manysy we adamyň tebigatyna edýän täsiri öwrenilýär.