UEFA-nyň Çempionlar ligasynyň toparçalaýyn tapgyrynyň altynjy aýlawynda fransiýaly PSŽ bilen Türkiýäniň "Stambul Başakşehir" toparynyň arasyndaky oýun birinji ýarymda togtadyldy.
Duşuşygyň 14-nji minudynda rumyn emini Owidiu Hasegan türk toparynyň tälimçileriniň biri bolan Pýer Webony gyzyl kartoçka bilen jezalandyrdy.
"PSŽ bilen geçirilen oýunda emin Sebastian Kolseskiň klubumyzyň baş tälimçisiniň kömekçisi Pýer Webo garşy jynsparazlyk edendigi sebäpli oýunçylarymyz meýdança girmekden ýüz öwürdiler"-diýip, türk kluby Twitterde beren beýanatynda belleýär.
Ätiýaçdaky emin Sebastian Kolsesku "Stambulyň" baş tälimçisiniň kömekçisi Pýer Vebony "gara" diýip kemsiden bolmaly. Türk kluby muny jynsparazlyk hökmünde kabul etdi. Netijede, bütin topar oýny dowam etdirmekden ýüz öwürdi we eşik çalşylýan otaga gitdi. Waka ýüze çykanda hasap heniz 0:0-dy.
Duşuşyk şu gün - 9-njy dekabrda sagat 22:55-de dowam etdiriler.
