Mejlisiň wekilleri Ýewropa Bileleşiginiň parlamentarileri bilen onlaýn duşuşyk geçirdiler

  • 28.11.2020 21:19
  • 2.2k+

Onlaýn görnüşde geçirilen «Türkmenistan — Ýewropa Bileleşigi» parlamentara gepleşiginiň nobatdaky duşuşygynyň gün tertibine netijeli ikitaraplaýyn gatnaşyklary mundan beýläk-de ösdürmegiň geljegi baradaky meseleler girizildi.

Ýewropa Parlamentiniň wekiliýetiniň ýolbaşçysy Fulwio Martuşello Merkezi Aziýa babatda Ýewropa Bileleşiginiň strategiýasynyň çäklerinde parlamentara gatnaşyklaryň gi­ňeldilmegi ugrunda pikirini aýtdy. Şunda bitaraplyk derejesi sebitiň döwletleri bilen netijeli hyzmatdaşlygyň ýola goýulmagyna ýardam berýän Türkmenistanyň eýeleýän aýratyn orny bellenildi.
Öz nobatynda türkmen wekiliýetiniň agzalary ýewropaly kärdeşlerini mejlisiň düzümi hem-de esasy wezipeleri, ýurdumyzda ýaýbaň­landyrylan durmuş-ykdysady we demokratik özgertmeleriň maksatlary hem-de wezipeleri, milli kanunçylygy kämilleşdirmek, raýat jemgyýetiniň esaslaryny pugtalandyrmak, adam hukuklarynyň we azatlyklarynyň kepillikli üpjün edilişi boýunça görülýän çäreler bilen tanyşdyrdylar.
Merkezi Aziýada parahatçylygy we howpsuzlygy saklamak, sebitiň döwletleriniň arasynda ykdysady hyzmatdaşlygy işjeň­leşdirmek, möhüm ekologiýa meselelerini çözmek boýunça Türkmenistanyň alyp barýan işleriniň ileri tutulýan ugurlaryna gyzyklanma bildirilip, ara alnyp maslahatlaşyldy.
Ýewropa Bileleşiginiň Merkezi Aziýa boýunça ýörite wekili Piter Buriýan çykyşynda ÝB-niň Bitarap Türkmenistanyň sebitde alyp barýan netijeli işlerine ýokary baha berýändigini belledi.
Gazanylan ylalaşyga laýyklykda, «Türkmenistan — Ýewropa Bileleşigi» görnüşindäki parlamentara mejlisiň nobatdaky duşuşygynyň geçiriljek ýeri we wagty diplomatik ýollar arkaly ylalaşylar.

düýn 23:09
1.9k+

Honor dünýäde iň inçe eplenýän smartfon Magic V5-i hödürledi

Honor kompaniýasy Hytaýda Magic V5 eplenýän smartfonyny hödürledi. Öndürijileriň aýtmagyna görä, ol dünýäde şeýle gurluşlaryň arasynda iň inçesidir. Dünýä derejesinde tanyşdyrylyşynyň 2025-nji ýylyň ahyryna çenli bolmagyna garaşylýar...

düýn 22:36
3.2k+

“Kalmar oýny” serialy tomaşa boýunça ýene Netflix-iň rekordyny döwdi

“Kalmar oýny” serialynyň üçünji möwsümi Netflix-de täze rekord goýdy. Serial çykandan soň ilkinji üç günüň içinde 60,1 milliondan gowrak tomaşa ýygnady diýlip, platformanyň habarynda aýdylýar. Tomaşa etmegiň umumy wagty 368 mln sagatdan geçdi...

düýn 18:17
1k+

Doktor Sýuzyň ertekisi esasynda “Pişik” multfilminiň ilkinji treýleri hödürlendi

Warner Bros. Animation “Pişik” (The Cat in the Hat) multfilminiň ilkinji treýlerini hödürledi. Ol Doktor Sýuzyň adybir ertekisiniň ekranlaşdyrmasydyr. Kinoteatrlarda premýera 2026-njy ýylyň 27-nji fewralyna meýilleşdirilýär...

düýn 14:59
3.8k+

Dubaýa aerotaksi hyzmatyny ýola goýmak üçin ilkinji köpçülikleýin Joby elektrik uçary gowşuryldy

Joby Aviation kompaniýasy Dubaýa özüniň ilkinji köpçülikleýin dik uçuş we gonuş elektrik uçaryny (eVTOL) iberdi. Aerotaksiniň täjirçilik hyzmaty 2026-njy ýylyň başyna meýilleşdirilýär. Häzir kompaniýa birnäçe uçuş synaglaryny tamamlap, logistikany işlemäge girişdi...