“EpiWakKorona” sanjymyny döreden “Wektor” döwlet merkezi koronawirusa garşy ýene üç derman serişdesini taýýarlar diýip, Rospotrebnadzoryň metbugat gullugyna salgylanyp, lenta.ru ýetirýär.
Edara derman serişdeleriniň COVID-19-yň öňüni alyjy hökmünde saýlanandygyny, olaryň häzir synaglaryň dürli tapgyryndadygyny aýtdy.
Olaryň arasynda peptid sanjymy, wezikulýar stomatit wirusyna esaslanýan rekombinant sanjymy, A dümew wirusyna esaslanýan rekombinant sanjymy, gyzamyk wirusyna esaslanýan rekombinant sanjymy bar.
Häzirki wagta çenli Russiýada COVID-19-a garşy iki sanjym hasaba alyndy. Olaryň ilkinjisi “Sputnik V” boldy. 14-nji oktýabrda prezident Wladimir Putin “Wektor” merkeziniň “EpiWakKorona” sanjymynyň bellige alnandygyny habar berdi. Ýurtda üçünji sanjym hem taýýarlanýar, bu iş bilen Çumakowa adyndaky merkez meşgullanýar. Köpçülikleýin önümçilige 2021-nji ýylyň fewralynda başlamak meýilleşdirilýär.