Izmirdäki ýer titremesinde pidalaryň sany 107-ä ýetdi

  • 03.11.2020 17:08
  • 14k+
Izmirdäki ýer titremesinde pidalaryň sany 107-ä ýetdi

Türkiýäniň Izmir welaýatynda bolup geçen ýer titremesinde pida bolanlaryň sany 107-ä ýetdi. Bu barada Türkiýedäki adatdan daşary ýagdaýlar we tebigy betbagtçylyklar baradaky soňky maglumatlara salgylanyp, Hurriýet habar berdi. Muny INTERFAX.RU ýetirýär.

Ýer titremesiniň netijesinde, müňden gowrak adam ýaralandy, häzirki wagtda olaryň 144-si dürli keselhanalarda lukmanlaryň gözegçiligi astynda saklanýar. Izmirdäki bäş sany binanyň ýerinde weýrançylygyň yzyny ýygnamak işleri dowam edýär.
Ýatlatsak, 30-njy oktýabrda Egeý deňzinde 7 ball ululykda ýer titremesi boldy. Ýer titremesiniň merkezi Samosyň demirgazygynda, 10 km çuňlukda ýerleşýärdi. Onuň netijesinde, Izmir şäherinde birnäçe bina ýykyldy. Izmirde we Samos adasynda adamlar wepat boldy.
Şondan soň seýsmologlar 1464 ýer titremesini hasaba aldylar, olaryň 44-siniň ululygy 4 baldan geçdi diýip Anadolu habar agentligi belleýär.

Antarktidanyň kenarýakalarynda ilkinji gezek akula göründi
şu gün 21:38
707

Antarktidanyň kenarýakalarynda ilkinji gezek akula göründi

Awstraliýaly alymlar topary Antarktikanyň suwlarynda, Günorta Şetland adalarynyň golaýynda ilkinji gezek akulanyň bardygyny hasaba aldy. Bu barada Associated Press habarlar agentligi habar berýär. Günbatar Awstraliýa uniwersitetiniň professory Alan Jeýmison: «Biz ol ýerde akula göreris diýip garaşmandyk, sebäbi Antarktikada akulalar ýok diýen umumy kabul edilen ylmy garaýyş bardy» diýip belledi...

ABŞ-da lagymdan 185 kilogramlyk lamantin halas edildi
şu gün 12:31
2.4k+

ABŞ-da lagymdan 185 kilogramlyk lamantin halas edildi

ABŞ-nyň Florida ştatyndaky Melburn-Biç kenarynyň golaýynda, siliň suwuny akdyrýan lagym ulgamynda gysylyp galan 185 kilogramlyk äpet lamantin tapyldy. New York Post neşiriniň habar bermegine görä, bu deňiz süýdemdirijisini Melburn-Biç kärhanasynyň bir işgäri görüp, derrew degişli gulluklara habar beripdir...

Fransiýada 36 gün bäri dynman ýagan ýagyş taryhy rekordy täzeledi
şu gün 10:39
6.3k+

Fransiýada 36 gün bäri dynman ýagan ýagyş taryhy rekordy täzeledi

Fransiýada ýagynly günleriň dowamlylygy boýunça taryhy rekord hasaba alyndy. BFMTV teleýaýlymynyň habar bermegine görä, ýurtda 15-nji ýanwardan bäri, ýagny 36 günläp yzyny üzmän ýagyş ýagýar. Howanyň ýaramazlaşmagy bilen 17-nji fewralda dört sany departamentde sil gelme ähtimallygy zerarly iň ýokary — "gyzyl" derejeli howp yglan edildi...

Portugaliýada tupanlaryň ýetiren zyýany 5,5 milliard ýewrodan geçdi
düýn 23:24
5.7k+

Portugaliýada tupanlaryň ýetiren zyýany 5,5 milliard ýewrodan geçdi

Portugaliýanyň hökümetiniň we senagat guramalarynyň berýän deslapky maglumatlaryna görä, ýanwar-fewral aýlarynda ýurda inen tupanlaryň ýetiren umumy maddy zyýany 5,5 milliard ýewrodan aşdy. Iň uly ýitgiler döwlet we şahsy emläklere degişli bolup, olaryň möçberi 4,5 milliard ýewrodan gowrak diýlip kesgitlenilýär...