Karýerasyny tamamlan russiýaly söweşiji Habib Nurmagomedow ýeňil agramda UFC-niň çempiony bolmagynda galýar diýip, UFC-iň başlygy Dana Uaýt aýtdy. Bu barada RIA Nowosti habar berýär.
Nurmagomedow 24-nji oktýabrda Abu-Dabide amerikaly Jastin Getjini ikinji raundda demikdiriji emel bilen ýeňip, ýeňil agramdaky çempionlygyny gorapdy we karýerasyny tamamlaýandygyny mälim edipdi. Şondan biraz wagt soň Uaýt rus söweşijisi karýerasyny dowam eder diýip pikir edýändigini aýtdy.
"Biz oňa wagt bereris. Ol çempion bolmagynda galýar. Häzirlikçe boş titul hem, wagtlaýyn titul hem ýok" - diýip, ESPN Uaýtyň sözlerini getirýär.
UFC-iň başlygynyň aýtmagyna görä, Nurmagomedow karýerasyny dowam etmek meselesini ejesi bilen maslahatlaşar.