Türkmenistan Halkara sport lukmançylygy federasiýasynyň (FIMS) agzalygyna girmek boýunça işlere girişýär. Degişli teklip bilen Hökümet mejlisiniň barşynda wise-premýer, daşary işler ministri R.Meredow çykyş etdi.
Türkmenistanyň halkara sport guramalarynyň işine toplumlaýyn gatnaşmagy maksada laýyk hasaplanylýar. Şu güne çenli ýurdumyz şeýle düzümleriň 7-siniň, sportuň dürli görnüşleri boýunça halkara sport federasiýalarynyň 48-siniň, ÝUNESKO-nyň bedenterbiýe we sport boýunça Hökümetara komitetiniň agzasy bolup durýar.
Halkara sport lukmançylygy federasiýasy – bu dünýäniň köp sanly ýurtlarynyň sport lukmançylygynyň milli assosiasiýalarynyň işini birleşdirýän Halkara jemgyýetçilik guramasydyr.
