Google "demir" önümleriniň gaplanyşynda plastikleri ulanmakdan ýüz öwürmekçi. Ol 2025-nji ýyla çenli plastiklerden doly saplanar diýip, gözleg hyzmatynyň resmi blogynda aýdylýar. Bu barada RIA Nowosti habar berýär.
Korporasiýa bu meselede diňe gaplamada plastiklerden gutulmak bilen çäklenmekçi däl. Mysal üçin, ýaňy-ýakynda tanyşdyrdylan “Pixel 5” smartfonynyň yzky paneli gaýtadan işlenen alýuminden, akylly ses çykaryjy “Nest Audio” bolsa 70 göterim gaýtadan işlenen plastmassadan ýasalan.
5 ýyldan soň Google-yň enjamlarynda ýarysyna çenli gaýtadan işlenen galyndylardan döredilen plastmassa ulanylar. Akylly enjamlaryň gaplary hem gaýtadan ulanyp bolýan materiallardan ýasalar.