Coca-Cola kompaniýasy ilkinji berhiz içgisi bolan “Tab-yň” önümçiligini bes eder

  • 18.10.2020 23:09
  • 11k+

Coca-Cola kompaniýasy ilkinji berhiz içgisi bolan “Tab-yň” önümçiligini bes etmek kararyna geldi diýip, “The Wall Street Journal” neşiri habar berýär. Muny kommersant.ru ýetirýär. Bu brend bilen ilkinji içgi 1963-nji ýylda çykaryldy.

Gazetiň belleýşi ýaly, “Tab” gazly içgisi 1970-1980-nji ýyllarda özüniň meşhurlygynyň ýokary derejesine ýetipdi. “Diet Coke” çykandan soň, içginiň geçginliligi iň pes derejä düşse-de, Coca-Cola özüne wepaly müşderileriniň islegini kanagatlandyrmak üçin bu içginiň önümçiligini dowam etdirip gelýärdi. Gazet içginiň muşdaklarynyň “Tab-y” tapyp bilmedik halatynda, kompaniýanyň ştab-kwartirasyna jaň edip, haýyş bilen ýüz tutandyklaryny belleýär.
Euromonitor International kompaniýasynyň maglumatlary boýunça, “Tab-yň” dünýädäki satuwy 2019-njy ýylda berhiz kolasynyň umumy satuw göwrüminiň ($22 milliard) 0,1%-e barabar boldy. “Diet Coke-niň” paýy satuwyň 35%-ine, “Coke Zero Sugar-yň” paýy 22%-e deň boldy.
Sentýabrda Coca-Cola koronawirus pandemiýasy sebäpli özüniň 500 brend önüminiň ýarysyny aýryp, azaltmak isleýändigini aýtdy. Bu azaltma täzelenen marketing strategiýasyny öz içine alýan “üýtgedip gurmagyň” bir bölegi bolar.
Kompaniýanyň Innowasiýa we marketing boýunça müdiri Ket Ketseriň aýtmagyna görä, kompaniýa “özüniň brendlerini gowy görýär”, ýöne “täze zatlar üçin täze giňişlik döretmek” maksady bilen ösmeýän we ösüş mümkinçiligi bolmadyk brendlerden ýüz öwürýär.

25.11.2025 17:22
3.5k+

Hytaý taryhynda ilkinji halas ediş kosmos missiýasyny uçurdy

2025-nji ýylyň 25-nji noýabrynda ýerli wagt boýunça 12:11-de (Aşgabat wagty bilen 09:11) Hytaý gyssagly ýagdaýda “Şençžou-22” kosmos gämisiniň “Týangun” orbital stansiýasyna uçuşyny amala aşyrdy. Gämi “Çançžen-2F” raketasynda Szýusýuan kosmodromyndan ekipažsyz uçup, orbita üstünlikli çykdy...

25.11.2025 12:46
17k+

Hindi kinosynyň iň meşhur aktýorlarynyň biri Dharmendra aradan çykdy

Mumbaýda 89 ýaşynda Bolliwud kinosynyň ýyldyzy Dharmendra (doly ady – Dharmendra Kewal Krişan Deol) aradan çykdy. Bu barada Variety neşiri habar berýär. Dharmendra hindi kinosynyň iň esasy şahsyýetleriniň biridi...

21.11.2025 23:45
5.8k+

Uelsdäki muzeýden bürünç asyrynyň altyn şaý-sepleri ogurlandy

Uelsiň paýtagty Kardiff şäherindäki muzeýden bürünç asyrynyň altyn şaý-sepleri ogurlandy. Bu barada ýerli polisiýa salgylanyp, Telegraph gazeti habar berdi. Gazetiň maglumatlaryna görä, bürünç asyrynyň birnäçe özboluşly predmetleri Keramatly Fagan galasynyň çägindäki Milli taryh muzeýiniň baş edarasyndaky witrinadan ogurlandy...

20.11.2025 18:49
6.3k+

NASA 3I/ATLAS kometasynyň Ýere howp salmaýandygyny aýdyp, onuň emeli gelip çykyşyny ret etdi

3I/ATLAS kometasy Gün ulgamyndan daşary ýerden geldi diýip, brifingde NASA-nyň ýolbaşçysynyň orunbasary Amit Kşatriýa habar berdi. Agentligiň esasy ylmy işgäri Tom Stetler kometanyň Gün ulgamyndan ep-esli gadymy bolan ýyldyz ulgamynda emele gelip bilendigini aýdýar...