“Barselona” futbol toparynyň iň gowy hüjümçisi ýakyn wagtda futbol karýerasyny “Mançester Siti” toparynda dowam etmegi mümkin diýip, ctnews.ru belläp geçýär.
Iňlis KHBS-niň habar bermegine görä, “Mançester Sitiniň” ýolbaşçylary argentinaly hüjümçini 15 million funta satyn almaga taýýar. Häzirki döwürde maliýe kynçylyklary ýiti duýulýan katalon toparynyň ýolbaşçylary hem bu pikiri ret etmese gerek diýlip garaşylýar. Taraplar bu barada bir netijä gelip bilseler, onda futbolçynyň “Mançester Siti” klubyna geçirilmegi indiki transfer möwsüminde amala aşar.
Messiniň “Barselona” bilen şertnamasynyň möhleti geljek ýylyň tomsunda tamamlanýar. Eger-de şol wagta çenli klub Leo üçin alyjy tapmasa, onda onuň mugt gitmäge hukugy bolar. Mundan ozal, 33 ýaşly argentinaly oýunça “PSŽ-niň” hem gyzyklanma bildirýändigi habar berlipdi.
Transfermarkt portaly Messä 100 mln ýewro baha kesýär. Şu möwsümde Messi “Barselonanyň” düzüminde 4 oýna gatnaşyp, bir goly hem-de iki netijeli geçirimi bilen tapawutlandy.