Sohu hytaý portalynyň bir ulanyjysy, berk berhiz tutmazdan hem ep-esli agramyňdan saplanmaga kömek edýän üç önümi sanap geçdi. Bu barada RIA Novosti habar berýär.
Onuň aýtmagyna görä, iýmitleriň arasynda hyýar hökman bolmaly. Hyýaryň düzüminde köp mukdarda suw we iýmit dokumalary saklanýar, şonuň üçin hyýary iýeniňde, doýandygyňy duýup bolýar. Mundan başga-da, hyýar kaloriýasynyň azdygy we ýagyň ýakylmagyny çaltlaşdyrýandygy bilen bellidir.
Iýmitlik gymmaty örän ýokary bolan brokkoly hem maslahat berilýän şeýle önümleriň hatarynda. Bu gök önüm madda çalşygyny we gan aýlanyşygyny çaltlaşdyrýar. Onda doýmaga we ýagy ýakmaga kömek edýän iýmit dokumalarynyň köp mukdary saklanýar.
Horlanmak üçin peýdaly bolan ýene bir iýmit kletçatka baý bolan şüle ýarmasydyr. Ol tiz doýurýanlygy, şonuň bilen birlikde, işdäni peseltmäge ukyplydygy bilen bellidir. Ýagsyz ýogurdy şüle ýarmasyna ýanap iýseňiz dagy, naharyň tagamy-da, peýdaly täsiri-de artar. Mundan başga-da, şüle içegäni arassalamaga kömek edýär.