Rus awiakompaniýalaryna Türkmenistana gatnawlary ýola goýmaga rugsat berildi

  • 06.10.2020 18:29
  • 26k+

Rus howa ýollary Russiýanyň awiakompaniýalaryna 24 ýurda, şol sanda Türkmenistana yzygiderli howa gatnawlaryny amala aşyrmaga rugsat berdi. Degişli buýruk agentligiň web sahypasynda çap edildi diýip, ORIENT habar berýär.

"Pudagara komissiýanyň 2020-nji ýylyň 18-nji sentýabryndaky gatnawçylara rugsat bermek baradaky karary bilen, Russiýanyň awiakompaniýalaryna... daşary ýurtlarda birnäçe nokada ýolagçylary we (ýa-da) ýükleri daşamak üçin ygtyýar berildi" diýlip, Federal Howa Ulaglary Agentliginiň (Rus howa ýollary) web sahypasynda aýdylýar.
Buýruga goşundydan gelip çykyşy ýaly, rugsat şu aşakdaky nokatlar üçin berildi: Azerbaýjan, Ermenistan, Belarus, Beýik Britaniýa, Germaniýa, Gresiýa, Müsür, Ysraýyl, Ispaniýa, Italiýa, Gazagystan, Kipr, Gyrgyzystan, Niderlandlar, Birleşen Arap Emirlikleri, Türkmenistan, Türkiýe, Özbegistan, Çehiýa, Hytaý, Saud Arabystany, Tanzaniýa, şeýle hem Malta we Maldiwler.
Federal Howa Ulaglary Agentligi bu rugsat bermegiň halkara ugurlar boýunça uçuşlary dowam etdirmek üçin esas ýa-da çözgüt däldigini aýtdy.

"Rugsat - awiakompaniýanyň uçuşlar täzeden başlanda ulanyp biljek hukugy" - diýip, Agentlik belleýär.

Russiýa 1-nji awgustdan bäri koronawirus pandemiýasy sebäpli togtadylan halkara howa gatnawlaryny dikeltmäge başlady. Häzire çenli Russiýada Türkiýä, Beýik Britaniýa, Tanzaniýa, Şweýsariýa, Müsüre, Birleşen Arap Emirliklerine we Maldiw adalaryna gatnawlar açyldy.

25.11.2025 17:22
3.6k+

Hytaý taryhynda ilkinji halas ediş kosmos missiýasyny uçurdy

2025-nji ýylyň 25-nji noýabrynda ýerli wagt boýunça 12:11-de (Aşgabat wagty bilen 09:11) Hytaý gyssagly ýagdaýda “Şençžou-22” kosmos gämisiniň “Týangun” orbital stansiýasyna uçuşyny amala aşyrdy. Gämi “Çançžen-2F” raketasynda Szýusýuan kosmodromyndan ekipažsyz uçup, orbita üstünlikli çykdy...

25.11.2025 12:46
17k+

Hindi kinosynyň iň meşhur aktýorlarynyň biri Dharmendra aradan çykdy

Mumbaýda 89 ýaşynda Bolliwud kinosynyň ýyldyzy Dharmendra (doly ady – Dharmendra Kewal Krişan Deol) aradan çykdy. Bu barada Variety neşiri habar berýär. Dharmendra hindi kinosynyň iň esasy şahsyýetleriniň biridi...

21.11.2025 23:45
5.8k+

Uelsdäki muzeýden bürünç asyrynyň altyn şaý-sepleri ogurlandy

Uelsiň paýtagty Kardiff şäherindäki muzeýden bürünç asyrynyň altyn şaý-sepleri ogurlandy. Bu barada ýerli polisiýa salgylanyp, Telegraph gazeti habar berdi. Gazetiň maglumatlaryna görä, bürünç asyrynyň birnäçe özboluşly predmetleri Keramatly Fagan galasynyň çägindäki Milli taryh muzeýiniň baş edarasyndaky witrinadan ogurlandy...

20.11.2025 18:49
6.3k+

NASA 3I/ATLAS kometasynyň Ýere howp salmaýandygyny aýdyp, onuň emeli gelip çykyşyny ret etdi

3I/ATLAS kometasy Gün ulgamyndan daşary ýerden geldi diýip, brifingde NASA-nyň ýolbaşçysynyň orunbasary Amit Kşatriýa habar berdi. Agentligiň esasy ylmy işgäri Tom Stetler kometanyň Gün ulgamyndan ep-esli gadymy bolan ýyldyz ulgamynda emele gelip bilendigini aýdýar...