Türkmenistanyň gümrük edaralary ýükleri deslapdan deklarirlemek ulgamynyň mümkinçiliklerini öwrenýär

  • 05.10.2020 18:34
  • 12k+
Türkmenistanyň gümrük edaralary ýükleri deslapdan deklarirlemek ulgamynyň mümkinçiliklerini öwrenýär

Türkmenistanyň Döwlet gümrük gullugy ýükleri deslapky ýagdaýda deklarirlemek ulgamynyň (TIR-EPD) mümkinçiliklerini, ulgamy ýurdumyzyň gümrük edaralaryna ornaşdyrmagyň oňyn taraplaryny öwrenýär.

Gullugyň resmi saýtynyň habar bermegine görä, ýakynda gullugyň wekilleriniň gatnaşmagynda Awtomobil ulaglarynyň halkara birleşigi (IRU) bilen hyzmatdaşlykda şu tema bagyşlanan göni wideo aragatnaşyk arkaly okuw maslahaty geçirildi.
Maslahata gatnaşan wekillerimiz TIR-EPD ulgamy arkaly gümrük işini sanlylaşdyrmagyň mümkinçilikleri barada doly we giňişleýin maglumatlary aldylar.
Mälim bolşy ýaly, Türkmenistanda 2019 — 2025-nji ýyllarda sanly ykdysadyýeti ösdürmegiň konsepsiýasy hakynda Kararyna laýyklykda, Türkmenistanyň Döwlet gümrük gullugy öz işini kämilleşdirmek maksady bilen, sanly ulgama geçmek ugrunda yzygiderli işleri geçirýär. Şunuň bilen baglylykda, «Bir penjire» ulgamyna geçmek boýunça meselelere uly üns berilýär. Bu taslamanyň üstünde BMG-niň Ösüş Maksatnamasy (UNDP) hem-de Söwda we ösüş boýunça Konferensiýasy (UNCTAD) bilen ýakyn hyzmatdaşlyk alnyp barylýar.

Arktikada howanyň temperaturasy rekord dereje gyzdy - NOAA
düýn 14:55
6k+

Arktikada howanyň temperaturasy rekord dereje gyzdy - NOAA

2024-nji ýylyň oktýabryndan 2025-nji ýylyň sentýabryna çenli bolan döwürde Arktikada howanyň temperaturasy 1900-nji ýyldan bäri geçirilen gözegçilikleriň taryhynda iň ýokary derejä ýetdi. Bu barada ABŞ-nyň Milli umman we atmosfera barlaglary müdirligi (NOAA) habar berdi...

Klimatologlar: Asyryň ortalaryna çenli Ýer ýüzünde her ýyl 4 müňe çenli buzluklar ýok bolar
düýn 13:53
3.2k+

Klimatologlar: Asyryň ortalaryna çenli Ýer ýüzünde her ýyl 4 müňe çenli buzluklar ýok bolar

Eger global maýlamaklyk asyryň ahyryna çenli temperaturanyň 1,5-4 gradus Selsiý ýokarlanmagyna getirse, eýýäm şu asyryň ortalaryna çenli Ýer her ýyl 2000-den 4000-e çenli buzlugy ýitirer. Netijede, buzluklaryň umumy sany 200 müňden 18 müňe çenli azalyp biler...

Türkiýäniň Mermer deňziniň suwy gysga wagtyň içinde kenardan 20 metr çekildi
18.12.2025 11:45
11k+

Türkiýäniň Mermer deňziniň suwy gysga wagtyň içinde kenardan 20 metr çekildi

Türkiýäniň Tekirdag welaýatynyň Marmaraereglisi şäheriniň ýaşaýjylary Mermer deňziniň suwunyň kenarýakadan birden 20 metr çekilendigi barada habar berdiler. Netijede, 16-njy dekabrda kenarýakada çäge adajyklary emele geldi diýip, Haberturk teleýaýlymy habar berýär...

Braziliýada tupan wagty Azatlyk heýkeliniň birnäçe metrlik nusgasy ýykyldy
17.12.2025 09:17
10k+

Braziliýada tupan wagty Azatlyk heýkeliniň birnäçe metrlik nusgasy ýykyldy

Braziliýanyň Guaýba şäherinde (Riu-Grandi-du-Sul ştaty) Havan uniwermagynyň öňünde oturdylan Azatlyk heýkeliniň 35 metrlik nusgasy ýykyldy. Waka 15-nji dekabrda güýçli tupan wagty bolup geçdi. G1 neşiriniň şäher häkimi Marselo Maranata salgylanyp habar bermegine görä, ýadygärligiň 24 metrlik ýokarky bölegi ýumruldy...