Dünýäniň iň garry ýaşaýjysy Ýaponiýada uzak ýaşamak boýunça rekordy täzeledi

  • 20.09.2020 16:28
  • 34k+

Dünýäniň iň garry ýaşaýjysy Kane Tanaka Ýaponiýada ömür dowamlylygy boýunça ozalky rekordyny täzeledi, şenbe güni oňa 117 ýaş we 261 gün doldy. Bu barada “World Journal” neşirine salgylanyp, iz.ru ýetirýär.

Ýaponiýa boýunça ozalky rekord Nabi Tadzime degişlidi, ol geçen ýyl 117 ýyl we 260 gün ýaşap ýogaldy.
Kane Tanaka 1903-nji ýylyň 2-nji ýanwarynda Fukoka şäherinde dogulýar. 103 ýaşynda onda ýogyn içege ragy ýüze çykarylýar, ýöne ol dowamly operasiýalardan soň bu keseli ýeňip geçmegi başarýar. Onuň pikiriçe, uzak ýaşamagyň syry jebis maşgalada, sagdyn ukuda we dogry berhizde gizlenýär.
Häzir Kane garrylar öýünde ýaşaýar. Ol 120 ýaşa çenli ýaşamak isleýändigini aýdýar.
Bu günki gün Ýaponiýanyň ýaşaýjylary uzak ömür sürmek boýunça dünýä reýtinginiň ýokarky setirlerini eýeleýärler. Soňky maglumatlar boýunça, Ýaponiýada 80 müň-den gowrak adamyň ýaşy 100-den geçýär, olaryň 88%-i hem zenanlar. 1963-nji ýylda uzak ýaşaýanlaryň sany Ýaponiýada 153-e deňdi, 1981-nji ýylda ol 1000-e, 1998-nji ýylda 10 müňe ýetdi.
Muňa garamazdan, Gerontologiki barlaglar toparynyň pikirine görä, tutuş taryhda hasaba alnan iň uzak ýaşly ýaşaýjylaryň sanawynda birinji orun fransuz zenany Žanna Kalmana degişli, ol 122 ýyl, 164 gün ýaşap, 1997-nji ýylda aradan çykdy. Ikinji ýerde ABŞ-nyň raýaty Sara Knauss (1880-1999), ol 119 ýyl, 97 gün ömür sürdi. Üçünji orun bolsa, ýokarda agzalyp geçilen Kane Tanaka degişli.
Täsin ýeri, bu reýtingiň birinji onlugynda erkek göbeklilerden ýekesiniň hem ýoklugydyr.
Dünýäniň iň garry erkek ýaşaýjysy — Ýaponiýanyň Kioto prefekturasynyň 116 ýaşly ýaşaýjysy Dziroemon Kimura 2013-nji ýylda aradan çykdy. Ýaponiýanyň iň garry erkek göbekli ýaşaýjysy uzak ýaşynyň syryny fiziki işjeňlik hem-de yzygiderli kadaly iýmitlenmek bilen düşündirýärdi: «Tagam näçe datly hem bolsa, çenini bilip iýmeli» - diýip, ol bellärdi.

düýn 11:35
3.9k+

ESA kosmosdan Ortaýer deňziniň näderejede gyzýandygyny görkezdi

Ýewropadaky aşa yssy howa hatda kosmosdan hem aýdyň görünýär. Ýewropa kosmos agentligi (ESA) Ortaýer deňzi sebitindäki gury ýerleriň we suwuň üstki temperaturasynyň ýokarlanýandygyny görkezýän emeli hemra suratyny çap etdi...

08.07.2025 20:12
6.8k+

Indoneziýadaky Lewotobi Laki Laki wulkany 18 km beýiklikde kül zyňdy

Indoneziýanyň Flores adasynda Lewotobi Laki Laki wulkanynyň güýçli atylmasy bolup geçdi. Asmana 18 km beýiklikdäki kül sütüni göterildi diýip, ýerli häkimiýetlere salgylanyp, CNA habar berýär. Indoneziýanyň wulkanologiýa agentliginiň maglumatlaryna görä, wulkan gaty sesli partlamalar bilen atyldy...

08.07.2025 10:25
4.4k+

Dünýäde CO₂ zyňyndylary rekord derejede 40,8 milliard tonna ýetdi

Geçen ýyl dünýäde kömürturşy gazynyň zyňyndylary CO₂ ekwiwalentinde 40,8 milliard tonna ýetdi. Bu barada Energetika instituty (EI) tarapyndan neşir edilen “2025-nji ýylda dünýä energetikasynyň san maglumatyna syn” atly täze hasabatda aýdylýar...

07.07.2025 13:30
8k+

Orbitadan bulutlaryň üstünde seýrek ýyldyrym surata alyndy

NASA-nyň zenan astronawty Nikol Aýers Halkara kosmos stansiýasynyň bortundan ýyldyrymyň seýrek görnüşini – spraýty surata aldy. Surat stansiýa Meksika bilen ABŞ-nyň üstünden uçup geçen wagty düşürildi. Aýersiň aýtmagyna görä, şeýle surat alymlara spraýtlaryň tebigatyna, olaryň aýratynlyklaryna we tupan bilen baglanyşygyna has gowy düşünmäge kömek edýär...