Awstriýaly Dominik Tim US Open ýaryşynda ýeňiji boldy

Awstriýaly Dominik Tim US Open ýaryşynda ýeňiji boldy

Awstriýaly tennisçi Dominik Tim ABŞ-nyň Açyk çempionatynyň (US Open) ýeňijisi boldy. Final duşuşygynda ol Germaniýadan Aleksandr Zwerewi ýeňmegi başardy, diýip Championat.com habar berýär.

US Open ýaryşy Nýu-Ýorkda geçirildi. Tim bilen Zwerewiň final duşuşygy awstriýaly türgeniň 2:6, 4:6, 6:4, 6:3, 7:6 (8:6) hasabynda ýeňmegi bilen tamamlandy. Setler boýunça 0:2 hasabynda ýeňlip gelýändigine garamazdan, awstriýaly türgen umydyny üzmän, haýran galdyryjy öwrülişik etmegi başardy. Bäsdeşler kortda (tennis meýdançasynda) dört sagatdan gowrak eglendiler.
Bu baýrak 27 ýaşly Timiň karýerasynda Uly tuwulga ýaryşlarynda ilkinji gazanan üstünligidir. Tim 1990-njy ýyllarda doglan nesiliň wekillerinden ilkinji bolup «Tuwulga» mynasyp bolmagy başardy.
Ýeňşi üçin awstriýaly türgen $3 mln möçberinde pul baýragyny aldy.