Ýokanç keselleriň ýaýramagynyň öňüni almak boýunça maşgala lukmanlarynyň hünär derejesi ýokarlandyrylýar

  • 12.09.2020 12:15
  • 12k+

Türkmenistanyň Gyzyl Ýarymaý milli jemgyýeti Aşgabat şäherinde hem-de Ahal welaýatynda ýokanç keselleriň ýaýramagynyň öňüni almak boýunça maşgala lukmanlary üçin okuwlary guraýar. Bu barada guramanyň web sahypasyna salgylanyp, ORIENT habar berýär.

Bu okuwlar koronawirus ýokanjynyň dünýäde ýaýran döwründe Türkmenistanyň saglygy goraýyş ulgamynyň kuwwatyny has-da ýokarlandyrýar. Maşgala lukmanlary bu ulgamda saglyk bilen bagly mesele ýüze çykanda ilkinji ýüz tutulýan adamlar bolup durýar. Şonuň üçin hem tutuş ýurduň ilatynyň saglyk derejesi maşgala lukmanlarynyň hünär derejesi bilen berk baglanyşyklydyr.
Okuw-seminarlarynda saglygy goraýyş işgärleri ýiti respirator keselli näsaglary ýüze çykarmagyň, saýlamagyň we kliniki taýdan öwrenmegiň usullary barada iň täze maglumatlary alýarlar. Olarda esasy üns okuw materiallarynyň aýdyňlygyna we gündelik tejribede amaly taýdan ulanylmagyna gönükdirilýär.
Ýiti respirator ýokançlygynyň ýaýramagynyň öňüni almak babatda eýýäm 240-dan gowrak maşgala lukmany täze bilimlere eýe boldular. Häzirki wagtda okuw sapaklary dowam etdirilýär. Şeýle hem olaryň ýurduň beýleki şäherlerinde hem geçirilmegine garaşylýar.
Okuwlar Saglygy goraýyş we derman senagaty ministrliginiň hünärmenleriniň, şeýle hem Myrat Garryýew adyndaky Döwlet lukmançylyk uniwersitetiniň ýokanç keseller we maşgala lukmançylygy bölüminiň wekilleriniň gatnaşmagynda geçirilýär.

26.11.2025 12:04
7.5k+

Lancet: Aşa işlenen önümler adamyň ähli organlaryna diýen ýaly zyýan berýär

"Lancet" lukmançylyk žurnalynda çap edilen birnäçe biologik gözlegler aşa işlenip taýýarlanan iýmitleriň adamyň ähli organlaryna diýen ýaly ýaramaz täsir edip bilýändigini we ikinji görnüşli süýji keseli we beýleki keselleriň döremek howpuny ýokarlandyrýandygyny görkezdi...

23.11.2025 20:23
5.4k+

Alymlar süňkleriň öz-özüni dikeltmegine kömek etmegiň ýoluny tapdylar

Alymlar köp ýyllardan bäri süňk dykyzlygynyň peselýän we döwülme howpuny ýokarlandyrýan kesel bolan – osteoporoz keselini öwrenýärler. Häzirki dermanlar süňk dokumasynyň ýumrulmagyny haýalladýar ýa-da gysga wagtlyk onuň ösüşini höweslendirýär, emma käbirleri ýaramaz täsirleri döredýär...

23.11.2025 00:31
2.7k+

BMGÖM Türkmenistana kliniki barlaghanalar üçin enjamlary we reaktiwleri getirdi

BMG-niň Ösüş Maksatnamasy (ÖM) Saglygy goraýyş we derman senagaty ministrligi bilen bilelikde durmuşa geçirýän «Türkmenistanyň kliniki-barlaghana gullugyny güýçlendirmek» atly taslamanyň çäginde laboratoriýa enjamlarynyň, reaktiwleriň we sarp ediş serişdeleriniň nobatdaky tapgyryny Türkmenistana gowşurdy...

19.11.2025 13:53
4.1k+

Ýaponiýaly lukmanlar türkmen kärdeşleri bilen tejribe alyşýarlar

Ýaponiýanyň Halkara hyzmatdaşlyk agentliginiň (JICA) ýörite maksatnamasynyň çäklerinde Fukuoka şäheriniň Kýuşu milli uniwersitetiniň klinikasynyň lukmanlary Türkmenistanda saparda bolup, ýerli hünärmenler bilen tejribelerini paýlaşýarlar...