Türkmenistan Eýran bilen ýük demir ýol gatnawyny dikeltdi

  • 04.09.2020 23:00
  • 13k+

Türkmenistan 1-nji sentýabrdan Eýran bilen yzygiderli demir ýol gatnawyny dikeltdi. Bu barada ORIENT habar berýär. 

Hemişelik tertip boýunça ýük düzümleriniň gatnawy Sarahs-Sarahs, Artyk-Lýutfabat we Akýaýla-Inçeburun serhet geçelgelerindäki gümrük barlag-geçiriş nokatlarynyň üsti bilen alnyp barylýar.
Türkmenistan koronawirusyň ýurduň çägine gelmegine ýol bermezlik maksady bilen 1-nji aprelden Eýran bilen ýük demir ýol gatnawyna çäk girizdi.
Ýurduň ähli barlag-geçiriş nokatlarynda berk sanitar epidemiologiýa gözegçilikleri girizildi, dezinfeksiýa ötükleri gurnaldy, howpsuzlygyň beýleki çäreleri göz öňünde tutuldy. 
Şahsy gorag serişdeleri we Saglygy goraýyş ministrliginiň teswirnamasy boýunça ähli zerur serişdeler bilen üpjün edilen geçiş nokatlarynda işleýän işgärler degişli taýýarlyk işlerinden geçdi.

şu gün 09:33
2.9k+

Airbus programma üpjünçiligindäki näsazlyklar sebäpli A320 uçarlaryny yzyna gaýtarýar: bu dünýä awiaparkynyň ýarysyna deň

Airbus awiakosmos korporasiýasy programma üpjünçiligi bilen bagly meseleleri çözmek üçin A320 uçarlar toparynyň "aglaba bölegini" yzyna çagyrýandygyny yglan etdi. Bu barada Reuters agentligi habar berýär. Airbus awiakompaniýalara iberen beýanatynda programma üpjünçiliginiň indiki meýilleşdirilen uçuşdan öň çalşyrylmalydygyny tabşyrdy...

şu gün 09:25
548

Türkmenistan YHG-nyň daşary işler ministrleriniň geňeşiniň 29-njy mejlisinde çykyş etdi

Daşary işler ministriniň orunbasary Ahmet Gurbanowyň ýolbaşçylygyndaky Türkmenistanyň wekiliýeti 28-nji noýabrda wideoaragatnaşyk ulgamy arkaly geçirilen Ykdysady Hyzmatdaşlyk Guramasynyň (YHG) Daşary işler ministrleriniň geňeşiniň 29-njy mejlisine gatnaşdy...

şu gün 09:21
1.4k+

Almatyda Merkezi Aziýa ýurtlarynyň daşary işler ministrleriniň orunbasarlarynyň 15-nji duşuşygy geçirildi

28-nji noýabrda Almaty şäherinde Merkezi Aziýa ýurtlarynyň Daşary işler ministrleriniň orunbasarlarynyň 15-nji duşuşygy geçirildi. Duşuşyk Gazagystanyň Daşary işler ministrligi tarapyndan BMG-niň Merkezi Aziýa üçin öňüni alyş diplomatiýasy boýunça Sebit merkeziniň (UNRCCA) ýardam bermeginde guraldy diýip, Türkmenistanyň DIM-nde habar berdiler...

şu gün 09:16
3.7k+

Türkmenistanda maýningi we kriptobiržalaryň işini düzgünleşdirýän kanun kabul edildi

Türkmenistanyň Prezidenti Serdar Berdimuhamedow ýurtda kriptowalýutalaryň maýningini we kriptobiržalaryň işini düzgünleşdirýän "Wirtual aktiwler hakynda" Türkmenistanyň Kanunyna gol çekdi. Resminama 2026-njy ýylyň 1-nji ýanwaryndan güýje girer diýip, «Türkmenistan» gazeti habar berýär...