ZTE kompaniýasy frontal kamerasynyň displeýiniň astynda “gizlenilen” dünýäde birinji smartfony resmi taýdan hödürledi. Ol Axon 20 5G diýlip atlandyryldy. Häzirlikçe gajet diňe Hytaýda deslapky sargytlar üçin elýeterli. Bu barada The Verge web-saýtyna salgylanmak bilen itc.ua habar berýär.
32-megapiksel bolan datçigi ekranyň astyna ýerleşdirmek üçin organiki we organiki däl plýonkadan ybarat bolan ýokary durulykly material, şeýle-de surata düşürme hilini üpjün etmek üçin şekilleri gaýtadan işlemegiň kämilleşdirilen algoritmleri peýdalanyldy.
Şeýle-de, smartfonda 5G eýe bolan Snapdragon 765G we 6,92-dýuým OLED-displeýi oturdyldy. Operatiw ýat 12 Gb, içki ýat bolsa 256 GB. Akkumulýatoryň sygymy 4220 mA/sag barabar. Smartfonyň arkasyndaky esasy kameranyň ygtyýarlygy 64 megapiksele deň, 8 Mp giň burçly kamera, hersi 2 Mp bolan “çuňluk kamerasy” we makrolinza bolsa onuň üstüni ýetirýär.