Türkmenistanyň Prezidenti Gurbanguly Berdimuhamedow Prezident Sooronbaý Žeenbekowy we Gyrgyzystanyň halkyny Respublikanyň Garaşsyzlyk güni bilen gutlady. Bu barada Gyrgyzystanyň Prezidentiniň administrasiýasynyň web sahypasynda habar berildi.
Hususan-da, gutlag hatynda şeýle diýilýär:
“Türkmenistanyň halkynyň we Hökümetiniň adyndan, şeýle hem öz adymdan Sizi we Siziň üstüňiz bilen Gyrgyzystanyň ähli doganlyk halkyna Respublikanyň Garaşsyzlyk güni mynasybetli tüýs ýürekden gutlaglarymy we iň gowy arzuwlarymy ýollaýaryn.
Gyrgyzystanyň garaşsyzlyk ýyllary içinde syýasy, ykdysady we jemgyýetçilik ugurlarynda gazanan üstünliklerini, şeýle hem doganlyk ýurtlarymyzyň arasynda ösen ikitaraplaýyn gatnaşyklaryň ýokary derejesini bellemek mende şatlyk duýgusyny döredýär. Gyrgyzystanyň we Türkmenistanyň döwletara gatnaşyklary has-da giňeltmäge we çuňlaşdyrmaga üýtgewsiz ygrarlylygynyň iki halkyň bähbitlerine laýyk gelýändigine berk ynanýaryn" - diýip, türkmen Lideri Gyrgyzystanyň doganlyk halkyna parahatçylyk, mundan beýläk-de ösüş we abadançylyk arzuw etdi.
