Sentýabrda Russiýada koronawirusa garşy ýene bir sanjym peýda bolar diýip, RF-iň Prezidenti Wladimir Putin aýtdy. Bu barada interfax.ru habar berýär.
“Bizde sentýabrda ýene bir serişde peýda bolmaly (...). Onuň üstünde Nowosibirskdäki belli institut “Wektor” iş alyp barýar — diýip, Putin WGTRK-a beren interwýusynda aýtdy.
Ol “Wektoryň” hünärmenleriniň adamlara kömek etjek örän gowy serişdäni taýýarlajakdyklaryna ynam bildirdi.
“Men olar (Russiýada taýýarlanylan iki serişde), has dogrusy, bäsdeşlik ederler diýip pikir edýärin, sebäbi howpsuzlygy we täsirliligi boýunça olar biri-birinden yza galmaly däl” – diýip, Putin sözüniň üstüne goşdy.
