Bekham kakasynyň ýogalmagy sebäpli Nurmagomedowa duýgudaşlyk bildirdi

  • 26.07.2020 02:04
  • 22k+
Bekham kakasynyň ýogalmagy sebäpli Nurmagomedowa duýgudaşlyk bildirdi

Angliýanyň milli futbol ýygyndysynyň öňki ýarymgoragçysy, häzirki wagtda Amerikanyň "Inter Maýami" klubunyň eýesi Dewid Bekham kakasy we tälimçisi Abdulmanap Nurmagomedowyň aradan çykmagy sebäpli ýeňil agramda UFC-niň çempiony Habib Nurmagomedowa duýgudaşlyk bildirdi. Bu barada regnum.ru habar berýär. 

Bekham onuň öz Instagram sahypasynda kakasynyň ölümi barada ýazan ilkinji ýazgysyna ýazan teswirinde: "Sen hakda, seniň maşgalaň hakda pikir edýärin, dostum" - diýdi.
Abdulmanap Nurmagomedow 3-nji iýulda 57 ýaşynda aradan çykdy. Ömrüniň ahyrynda ol Moskwanyň hassahanalarynyň birinde koronawirus ýokuşmasy diagnozy goýlup, agyr ýagdaýda ýatdy. Ol Dagystanda, dogduk şäheri Kirowaulda jaýlandy.

Öň habar berşimiz ýaly, H.Nurmagomedow sentýabrda geçirilmegi meýilleşdirilen UFC-253 ýaryşyna gatnaşmakdan ýüz öwürdi.

FIFA zenanlar ýygyndy toparlaryny tälimçiler düzümine aýal-gyzlary goşmaga borçly etdi
düýn 16:00
2.3k+

FIFA zenanlar ýygyndy toparlaryny tälimçiler düzümine aýal-gyzlary goşmaga borçly etdi

Halkara futbol assosiasiýalarynyň federasiýasy (FIFA) zenanlar toparlaryny tälimçiler düzümine aýal-gyzlary goşmaga borçly etdi. Bu çözgüt guramanyň geňeşiniň mejlisinde kabul edildi we onuň resmi saýtynda ýerleşdirildi...

VAR ulgamynyň ýygy-ýygydan goşulmak meselesi sebäpli UEFA sammit geçirer
düýn 14:47
1.7k+

VAR ulgamynyň ýygy-ýygydan goşulmak meselesi sebäpli UEFA sammit geçirer

UEFA Ýewropanyň öňdebaryjy futbol ligalarynyň wekilleriniň gatnaşmagynda VAR ulgamynyň ulanylyşyny maslahatlaşmak üçin tomusky sammiti geçirer. «Bi-bi-si-niň» habar bermegine görä, bu duşuşygyň geçirilmegini guramanyň eminler komitetiniň başlygy Roberto Rozetti öňe sürdi...

Erling Holand baýrak gaznasy 2,7 mln dollar bolan küşt ýaryşynyň maýadary boldy
düýn 09:30
2.6k+

Erling Holand baýrak gaznasy 2,7 mln dollar bolan küşt ýaryşynyň maýadary boldy

«Mançester Sitiniň» we Norwegiýanyň milli ýygyndysynyň hüjümçisi Erling Holand küşt taslamalarynyň maýadary boldy. Ol norwegiýaly işewür Morten Borge bilen bilelikde Chess Mates kompaniýasyny esaslandyrdy. Bu kompaniýa Norway Chess ýaryşynda we täze döredilen Total Chess World Championship ýaryşynda paý aldy...

«Mançester Siti» «Arsenaly» utup, 9-njy gezek Liganyň kubogyny gazandy
düýn 05:29
4.4k+

«Mançester Siti» «Arsenaly» utup, 9-njy gezek Liganyň kubogyny gazandy

«Mançester Siti» Angliýanyň ligasynyň kubogynyň finalynda Londonyň «Arsenal» toparyny 2:0 hasabynda ýeňlişe sezewar etdi we öz taryhynda dokuzynjy gezek bu kubogyň eýesi boldy. Duşuşyk Londonyň «Wembley» stadionynda geçirildi...