Hytaý amerikan KHBS-niň birnäçesiniň işine çäklendirme girizýär

  • 02.07.2020 15:35
  • 5.7k+

Pekin bilen Waşingtonyň arasynda maglumat urşy dowam edýär. 22-nji iýunda ABŞ-nyň döwlet sekretary Maýkl Pompeo Birleşen Ştatlaryň dört sany hytaý köpçülikleýin habar beriş serişdeleriniň derejesini “daşary ýurt wekilçiligi” hökmünde kesgitläp, olar üçin iş düzgünlerini güýçlendirýändigini aýtdy. Ýagny, gürrüň Hytaýyň Merkezi telewideniýesi, China News Service agentligi, “Ženmin žibao” we “Global Times” gazetleri barada gidýär. Amerikan kanunlaryna laýyklykda, bu KHBS-ler özüniň işgärleriniň sanawyny ABŞ tabşyrmaga, kadr üýtgetmeleri barada hasabat bermäge, şeýle-de daşary syýasat edarasynda olaryň eýeçilik edýän ýa-da kireýne alýan emlägini bellige aldyrmaga borçly edildi. Öň, daşary ýurt wekilçilikleri diýlip, CGTV telekanaly, “Sinhua” agentligi we Hytaýyň halkara radiosy kabul edilipdi.
Şundan soň Hytaý Waşingtonyň hereketine jogap hökmünde birnäçe amerikan köpçülikleýin habar beriş serişdeleriniň işine çäk girizýär. Bu barada DIM-niň resmi wekili Çžao Liszýan brifingiň dowamynda aýtdy. Muny ТАSS habar berýär.
“Soňky wagtlar Amerikanyň Birleşen Ştatlarynyň hökümeti olaryň territoriýasynda hereket edýän hytaý KHBS babatynda çäklendirme ulandy” – diýip, diplomat habar berýär. Çžao Liszýanyň aýtmagyna görä, jogap çäresi hökmünde hytaý tarapy hem birnäçe amerikan köpçülikleýin habar beriş serişdeleriniň işiniň düzgünlerini güýçlendirmeli bolýar.
“Hytaý Associated Press, United Press International, CBS, National Public Radio informasion agentliklerinden şu günden başlap ýedi günüň içinde Hytaýa HHR-iň territoriýasynda işleýän ähli işgärleri, maliýa ýagdaýlary we özüniň beýleki işleri barada ýazmaça maglumat tabşyrmagy talap edýär” – diýip, Hytaýyň daşary syýasat edarasynyň wekili aýdýar.

25.11.2025 17:22
3.5k+

Hytaý taryhynda ilkinji halas ediş kosmos missiýasyny uçurdy

2025-nji ýylyň 25-nji noýabrynda ýerli wagt boýunça 12:11-de (Aşgabat wagty bilen 09:11) Hytaý gyssagly ýagdaýda “Şençžou-22” kosmos gämisiniň “Týangun” orbital stansiýasyna uçuşyny amala aşyrdy. Gämi “Çançžen-2F” raketasynda Szýusýuan kosmodromyndan ekipažsyz uçup, orbita üstünlikli çykdy...

25.11.2025 12:46
17k+

Hindi kinosynyň iň meşhur aktýorlarynyň biri Dharmendra aradan çykdy

Mumbaýda 89 ýaşynda Bolliwud kinosynyň ýyldyzy Dharmendra (doly ady – Dharmendra Kewal Krişan Deol) aradan çykdy. Bu barada Variety neşiri habar berýär. Dharmendra hindi kinosynyň iň esasy şahsyýetleriniň biridi...

21.11.2025 23:45
5.8k+

Uelsdäki muzeýden bürünç asyrynyň altyn şaý-sepleri ogurlandy

Uelsiň paýtagty Kardiff şäherindäki muzeýden bürünç asyrynyň altyn şaý-sepleri ogurlandy. Bu barada ýerli polisiýa salgylanyp, Telegraph gazeti habar berdi. Gazetiň maglumatlaryna görä, bürünç asyrynyň birnäçe özboluşly predmetleri Keramatly Fagan galasynyň çägindäki Milli taryh muzeýiniň baş edarasyndaky witrinadan ogurlandy...

20.11.2025 18:49
6.3k+

NASA 3I/ATLAS kometasynyň Ýere howp salmaýandygyny aýdyp, onuň emeli gelip çykyşyny ret etdi

3I/ATLAS kometasy Gün ulgamyndan daşary ýerden geldi diýip, brifingde NASA-nyň ýolbaşçysynyň orunbasary Amit Kşatriýa habar berdi. Agentligiň esasy ylmy işgäri Tom Stetler kometanyň Gün ulgamyndan ep-esli gadymy bolan ýyldyz ulgamynda emele gelip bilendigini aýdýar...