Медики назвали главные угрозы от жары для здоровья

Lukmanlar yssy howada organizmiň suwuklygy ýitirýändigini we şeýle howanyň ýürek-damar keselli adamlar üçin howply bolup biljekdigini habar berdiler.
Gipertonik, ateroskleroz (ýürek-damar sistemasynyň kesellemegi) ýa-da ýürek ýetmezçiligi ýaly keselliler üçin bu ýürege artykmaç agram salýar. Aýakda çiş, demgysma ýüze çykyp başlaýar, gan basyş ýokarlanýar. Bu barada RBK agentligine salgylanmak bilen ivbg.ru habar berýär. Mundan başga-da, suwuklygyň ýitmegi ganyň goýalmagyna getirýär. Ateroskleroz kesellilerde dokumanyň gan bilen iýmitlenme prosesi ýaramazlaşýar. Şonuň üçin yssyda insult, infarkt we gipertonik ýaramazlaşma köp bolup geçýär.
Yssy howada goşmaça agram dem alyş organlaryna hem düşýär. Howanyň ýokary temperaturasy sebäpli dem alyş hereketleriniň ýygylygy ýokarlanýar. Netijede, öýken hroniki keseli – bronhit, öýkeniň obstruktiw keseli, bronhial demgysmasy bolan adamlar özüni erbet duýup bilýär. Günüň ýakmagy bolsa giperkoagulýasiýa – ganyň ýokary derejede gatamagyna getirýär. Şonuň üçin aterosklerozly adamlarda gan damarlarynda goýy ganyň emele gelmek howpy ýokarlanýar.
Gipertonik keseli bolan adamlaryň köpüsi yssy howada derman içmegini bes edýär, muny şeýtmek nädogrudyr. Hroniki keselleriň güýçlenmegine, şeýle-de Gün urma ýol bermezlik üçin yssy howada güýçli fiziki agram salmalardan gaçmaly, kellä zat geýmeli, hakyky matalardan ýeňil eşikleri geýmeli diýip, lukmanlar aýdýarlar. Mümkin boldugyndan, kölegede köpräk dynç almaly we suwuklygy köp içmeli, ýagny 2,5-3 litr töweregi. Ýöne bu içgiler şeker düzümli bolmaly däl, iň gowusy gazsyz suw, gara ýa-da gök çaý içmeli.
Şeýle-de, Günden goraýjy kremden peýdalanmaly we derini ýitiň göni şöhlesinden goramaly. “Eger-de siz Günden goraýjy kremden peýdalanmasaňyz, ýaňy-ýakynda hem çişiň şasy bolan melanomanyň döremek howpy güýçlenýär” – diýip, lukmanlar belleýär.