ABŞ BSGG-niň maliýeleşdirilmesini bölekleýin dikeltmekçi bolýar

  • 17.05.2020 23:25
  • 4.9k+

ABŞ-nyň prezidenti Donald Trampyň edarasy koronawirus pandemiýasy bilen göreş üçin Bütindünýä saglygy goraýyş guramasynyň maliýeleşdirilmesini bölekleýin dikeltmekçi bolýar. Bu barada Fox News telekanalyna salgylanmak bilen iz.ru habar berýär.
Telealypbaryjynyň aýtmagyna görä, amerikan lideri bu teklip bilen baglylykda BSGG-niň baş müdiri Tedros Gebreýesusa hat ibermegi meýilleşdirýär.
“BSGG-niň ýetmezçiligine garamazdan, men gurama heniz hem ýokary mümkinçilige eýe diýip hasaplaýaryn we BSGG-niň häzirki bütindünýä çökgünligi wagtynda bu mümkinçiligini durmuşa geçirmegini isleýärin” – diýlip, Trampyň hatynda bellenilýär.
Şunuň bilen birlikde, Birleşen Ştatlar Hytaý bilen deň pul geçirmek şerti bilen maliýeleşdirme işini dikeltmäge taýýardygyny habar berdi. Öň, Trampyň habar bermegine görä, ABŞ her ýylda guramanyň býujetine $400 mln-dan $500 mln-a çenli pul geçirdi, şol wagt HHR bolsa $40 mln töleýärdi. Eger-de Hytaý BSGG-ni maliýeleşdirmesini ýokarlandyrsa, onda ABŞ hem pul möçberini ýokarlandyrmak mümkinçiligine sereder diýlip hatda görkezilýär.
14-nji maýda Tramp Bütindünýä saglygy goraýyş guramasy bilen baglylykda bildiriş etdi. Aprel aýynyň ortalarynda Tramp BSGG-niň netijesizdigi sebäpli onuň maliýeleşdirilmesiniň bes edilýändigini habar berdi. Ol guramany koronawirus pandemiýasy wagtynda Hytaýda ünsüni jemländigi üçin tankytlady. Amerikan lideri guramanyň, esasan, ABŞ-nyň hasabyna maliýeleşýändigine garamazdan, HHR-e has köp üns berdi diýip hasaplaýar. Ýewrobirleşikde Trampyň maliýeleşdirmegi bes etmek baradaky netijesi ýazgaryldy. 8-nji maýda BSGG koronawirus ýaýrawyna taýýarlanma we oňa garşy jogap berme boýunça strategik meýilnamasyny täzeledi we muny amala aşyrmak üçin $1,7 mlrd gerek diýip habar berdi.

şu gün 09:33
2.3k+

Airbus programma üpjünçiligindäki näsazlyklar sebäpli A320 uçarlaryny yzyna gaýtarýar: bu dünýä awiaparkynyň ýarysyna deň

Airbus awiakosmos korporasiýasy programma üpjünçiligi bilen bagly meseleleri çözmek üçin A320 uçarlar toparynyň "aglaba bölegini" yzyna çagyrýandygyny yglan etdi. Bu barada Reuters agentligi habar berýär. Airbus awiakompaniýalara iberen beýanatynda programma üpjünçiliginiň indiki meýilleşdirilen uçuşdan öň çalşyrylmalydygyny tabşyrdy...

şu gün 09:25
326

Türkmenistan YHG-nyň daşary işler ministrleriniň geňeşiniň 29-njy mejlisinde çykyş etdi

Daşary işler ministriniň orunbasary Ahmet Gurbanowyň ýolbaşçylygyndaky Türkmenistanyň wekiliýeti 28-nji noýabrda wideoaragatnaşyk ulgamy arkaly geçirilen Ykdysady Hyzmatdaşlyk Guramasynyň (YHG) Daşary işler ministrleriniň geňeşiniň 29-njy mejlisine gatnaşdy...

şu gün 09:21
1.1k+

Almatyda Merkezi Aziýa ýurtlarynyň daşary işler ministrleriniň orunbasarlarynyň 15-nji duşuşygy geçirildi

28-nji noýabrda Almaty şäherinde Merkezi Aziýa ýurtlarynyň Daşary işler ministrleriniň orunbasarlarynyň 15-nji duşuşygy geçirildi. Duşuşyk Gazagystanyň Daşary işler ministrligi tarapyndan BMG-niň Merkezi Aziýa üçin öňüni alyş diplomatiýasy boýunça Sebit merkeziniň (UNRCCA) ýardam bermeginde guraldy diýip, Türkmenistanyň DIM-nde habar berdiler...

şu gün 09:16
2.7k+

Türkmenistanda maýningi we kriptobiržalaryň işini düzgünleşdirýän kanun kabul edildi

Türkmenistanyň Prezidenti Serdar Berdimuhamedow ýurtda kriptowalýutalaryň maýningini we kriptobiržalaryň işini düzgünleşdirýän "Wirtual aktiwler hakynda" Türkmenistanyň Kanunyna gol çekdi. Resminama 2026-njy ýylyň 1-nji ýanwaryndan güýje girer diýip, «Türkmenistan» gazeti habar berýär...