Russiýa 27-nji martdan beýleki ýurtlar bilen awiagatnawlaryny bes eder

  • 26.03.2020 16:49
  • 5.6k+

27-nji martda anna güni ýarygijeden başlap, Russiýa Federasiýasynda awiakompaniýalar daşary ýurtlara amala aşyrýan yzygiderli we çarter uçuşlaryny bes eder, diýip Euronews agentligi habar berýär. Diňe daşary ýurtlardan RF-iň raýatlaryny getirmek bilen bagly uçuşlar, şeýle hem RF-iň Hökümetiniň aýratyn tabşyryklary boýunça uçuşlar kadadan çykma görnüşinde gatnawlary amala aşyrarlar. Bu çözgüt Russiýada täze koronawirus ýokanjynyň ýaýramagyna garşy göreş boýunça utgaşdyryjy geňeşiň mejlisiniň netijeleri boýunça kabul edildi. «Aeroflot» awiakompaniýasynda habar berlişi ýaly, häzirki wagta çenli kompaniýa 94 sany halkara ugurlarynyň 92-sini ýatyrdy.
Şol bir wagtda gelýän ýolagçylaryň ählisi ýokanç keseliň barlygyny anyklamak üçin başlangyç barlagy eýýäm aeroportda geçerler. Gelen ýolagçylaryň bedeniniň temperaturasy ölçener, analiz üçin material alnar. Şeýle hem olara öýde 14 günlük izolýasiýa hakynda Baş döwlet sanitar lukmanynyň görkezmesi gowşurylar.
Belläp geçsek, Türkmenistanyň hökümeti koronawirusyň ýurduň çägine aralaşmagynyň öňüni almak boýunça ýagdaýy dolulygyna gözegçilik astyna aldy. Netijede, Hytaýda koronawirusyň ýaýramagy bilen baglylykda, «Türkmenhowaýollary» ýolagçylaryň howpsuzlygyny üpjün etmek maksady bilen halkara howa gatnawlaryny ýatyrdy.

düýn 14:30
11k+

Tehasdaky suw joşmasynyň ýetiren zyýanlary kosmosdan görkezildi

Maxar Technologies kompaniýasy ABŞ-nyň Tehas ştatyndaky güýçli suw joşmasynyň netijelerine degişli düşüren hemra suratlaryny çap etdi. Suratlar uzak wagtlap ýagan ýagyş sebäpli suwuň derejesiniň birden ýokarlanmagy bilen bagly Gwadelupe derýasynyň uzaboýundaky ýerleriň üýtgändigini görkezýär...

10.07.2025 11:35
4.6k+

ESA kosmosdan Ortaýer deňziniň näderejede gyzýandygyny görkezdi

Ýewropadaky aşa yssy howa hatda kosmosdan hem aýdyň görünýär. Ýewropa kosmos agentligi (ESA) Ortaýer deňzi sebitindäki gury ýerleriň we suwuň üstki temperaturasynyň ýokarlanýandygyny görkezýän emeli hemra suratyny çap etdi...

08.07.2025 20:12
7k+

Indoneziýadaky Lewotobi Laki Laki wulkany 18 km beýiklikde kül zyňdy

Indoneziýanyň Flores adasynda Lewotobi Laki Laki wulkanynyň güýçli atylmasy bolup geçdi. Asmana 18 km beýiklikdäki kül sütüni göterildi diýip, ýerli häkimiýetlere salgylanyp, CNA habar berýär. Indoneziýanyň wulkanologiýa agentliginiň maglumatlaryna görä, wulkan gaty sesli partlamalar bilen atyldy...

08.07.2025 10:25
4.5k+

Dünýäde CO₂ zyňyndylary rekord derejede 40,8 milliard tonna ýetdi

Geçen ýyl dünýäde kömürturşy gazynyň zyňyndylary CO₂ ekwiwalentinde 40,8 milliard tonna ýetdi. Bu barada Energetika instituty (EI) tarapyndan neşir edilen “2025-nji ýylda dünýä energetikasynyň san maglumatyna syn” atly täze hasabatda aýdylýar...