Apple kompaniýasy WWDC 2024 konferensiýasynda emeli aň sistemasy Apple Intelligence-i (AI) hödürledi. Ol iOS 18-e, iPadOS 18-e we macOS Sequoia-a giriziler.
Üýtgeşmeleriň arasynda emeli aňa gelýän duýduryşlary möhümligi boýunça tertipleşdirmäge mümkinçilik berýän Priority notifications, şeýle-de poçta müşderisinde uly hatlardan gysgaça mazmun almak mümkinçiligi bar.
Täze funksiýalar tekst beýany boýunça şekil döretmegi, animirlenen emojileri (Genmoji) döretmegi we “Bellik” programmasynda Image Wand-yň kömegi bilen garalama belliklerini şekile öwürmegi öz içine alýar.
Emeli aňly Siri kömekçisi ChatGPT-ni almak bilen has akylly boldy. Kömekçi sözleýşe we kontekste düşünmegini kämilleşdirdi, bu bolsa dürli programmalarda hereketleri ýerine ýetirmäge mümkinçilik berýär.
Apple Intelligence saýlanan suratlaryň we wideolaryň ýa-da islenýän netijäniň beýanynyň esasynda wideolary döretmäge, şeýle-de suratlardan aýry-aýry obýektleri aýyrmaga mümkinçilik berýär.
Apple Intelligence funksiýalary diňe iň täze prosessorlar bilen enjamlaşdyrylan gurluşlarda elýeterlidir: iPhone 15 Pro/Pro Max, iPhone 16 hatary we M1 ýa-da has täze çiplere esaslanýan Mac.
Täze emeli aň funksiýalary diňe iňlis dilinde elýeterlidir, ýöne geljekde Apple beýleki dilleriň goldawyny hem goşar.
