Aziýa futbol konfederasiýasynyň Ýaryşlar komiteti 2026/27 möwsüminden başlap, Elita Çempionlar ligasynyň toparlaýyn tapgyryna gatnaşyjylaryň sanyny 24-den 32-ä çenli köpeltmegi maslahat berdi.
Teklibe görä, ýaryş iki zolaga — gündogar we günbatar zolaklaryna bölünmegini saklar hem-de olaryň her birinde 16 klub bolar. Toparlaýyn tapgyryň netijeleri boýunça 1-nji we 6-njy orunlary eýelän toparlar göni 1/8 finala çykar. 7-nji we 10-njy orunlaryň aralygyndaky klublar bolsa pleý-off oýunlaryny oýnar we olaryň ýeňijileri hem 1/8 finala gatnaşar.
Halkara oýun senenamasynyň dykyzlygy sebäpli 2026/27 möwsüminde saýlama tapgyryny geçirmek meýilleşdirilmeýär. Bu tapgyr geljekki möwsümlerde gaýtadan girizilip bilner.
Bellenilişi ýaly, üýtgetmeler ýaryşyň geografiýasyny giňeltmäge we onuň täjirçilik taýdan özüne çekijiligini artdyrmaga gönükdirilendir. Ahyrky çözgüdi AFK-nyň Ýerine ýetiriji komiteti kabul etmeli. Ýurtlaryň arasyndaky kwotalaryň paýlanyşy soňrak yglan ediler.
