FIFA şu tomusda geçiriljek futbol boýunça dünýä çempionatynyň amaly býujetini 100 million dollardan gowrak azaltmak barada netijä geldi. Gurama munuň sebäbini girdejileriň 90 göterimini bütin dünýäde futboly ösdürmäge gönükdirmek bilen düşündirýär diýip, «The Athletic» neşiri habar berýär.
Çeşmäniň maglumatyna görä, şeýle tygşytlylyk amerikan salgyt töleýjileriniň çykdajylarynyň ýokarydygyny we janköýerler üçin petekleriň rekord bahalaryny göz öňünde tutsaň, birnäçe soraglary döredýär.
«FIFA çykdajylara gözegçilik etmek we bütin dünýäde futboly ösdürmäge gönükdirilýän maýa goýumlaryny mümkin boldugyndan ýokary derejede artdyrmak üçin býujetiň netijeliligini yzygiderli seljerýär. Bu geň galdyrmaly däl, sebäbi biziň her bir ýaryşymyzyň we çärämiziň öňüsyrasynda, adatça, býujete gaýtadan seredilýär. Býujeti netijeli ulanmaga bolan ymtylmalaryň FIFA-da geçiriljek prezident saýlawlary bilen baglanyşyklydygy baradaky tassyklamalar düýbünden esassyzdyr» – diýip, guramada bellenildi.
2026-njy ýylyň dünýä çempionaty 11-nji iýun — 19-njy iýul aralygynda üç ýurtda: ABŞ-da, Kanadada we Meksikada geçiriler.
