UEFA-nyň Çempionlar ligasynyň umumy tapgyrynyň altynjy oýunlarynyň netijeleri boýunça, üç futbol kluby – «Pari Sen-Žermen», «Mançester Siti» we «Atalanta» pleý-offa çykmagyny kepillendirdi. Ozal pleý-offa göni ýollamany «Arsenal» we «Bawariýa» alypdy.
Tapgyryň esasy oýunlarynyň biri Madridde geçirildi we bu ýerde «Mançester Siti» «Realy» 2:1 hasabynda utdy.
Ýer eýeleri oýnuň 28-nji minutynda öňe çykdy – Rodrigo sag tarapdan jerime meýdançasyna girip, uzakdaky burça gol girizdi. Pep Gwardiolanyň topary sekiz minutdan az wagtyň içinde hasaby deňlemegi başardy: Niko O’Raýli gol geçirdi. Ýarymyň ahyrynda Erling Holand penaltiden ynamly gol girizdi.
Ýaryş jedwelinde öňde barýan «Arsenal» yzygider altynjy ýeňşini gazanyp, birinji ornuny berkitdi. «Brýugge» garşy myhmançylykdaky oýunda topar 3:0 hasabynda utdy. Gollary Noni Madueke (iki gol) we Gabriel Martinelli geçirdi.
6-njy tapgyryň galan oýunlarynyň netijeleri:
- ·«Karabah» - «Aýaks» 2:4
- ·«Wilýarreal» - «Kopengagen» 2:3
- ·«Benfika» - «Napoli» 2:0
- ·«Atletik» Bilbao - «Pari Sen-Žermen» 0:0
- ·«Baýer» Lewerkuzen - «Nýukasl» 2:2
- ·«Borussiýa» Dortmund - «Budýo-Glimt» 2:2
- ·«Ýuwentus» - «Pafos» 2:0
Ýaryşyň düzgüni boýunça, umumy tapgyryň iň gowy sekiz topary gönüden-göni 1/8 finala çykýar. Dokuzynjydan 24-nji orna çenli orunlary eýelän klublar pleý-off tapgyrynda göreşi dowam etdirer. Onuň ýeňijileri-de 1/8 finala çykar.
