UEFA-nyň Çempionlar ligasy-2025/26-nyň üçünji tapgyrynyň ikinji oýun güni aýratyn boldy – ol geçenki oýunlarda geçirilen gollaryň üstüni ýetirip, rekord 71 gol getirdi.
Çarşenbe güni uly netije görkezen toparlar “Çelsi”, “Liwerpul” we “Bawariýa” boldy. Tapgyryň merkezi oýnunda “Real” “Ýuwentusdan” üstün çykdy.
“Realyň” we mýunhenlileriň ýeňşinden soň, ýüz göterim netijeli toparlaryň umumy sany bäşe ýetdi – iň ýokary 9 utugy “PSŽ”, “Inter” we “Arsenal” hem gazanypdy.
Çarşenbe gününiň oýunlary:
“Real” – “Ýuwentus” 1:0
“Ýuwentus”, esasan, goraga üns berip, aram-aram garşydaşyň derwezesine tarap howply pursatlary döretdi. Gol geçirmäge Duşan Wlahowiç has ýakyn bolupdy, ýöne ol bire-bir çykybam, gol girizip bilmedi. “Reala” ýeňiş gazanmaga Jud Bellingem kömek etdi, ol Winisius Žunioryň ştanga urgusyndan soň topy derwezä girizdi.
“Bawariýa” – “Brýugge” 4:0
17 ýaşly Lennart Karl takyk urgy bilen hasaby açyp, ÇL-de “Bawariýanyň” iň ýaş gol awtory boldy. Galan gollary Garri Keýn, Luis Dias we Nikolas Jekson geçirdi.
“Çelsi” – “Aýaks” 5:1
Bu oýnuň birinji ýarymy diýseň täsirli boldy – bäş gol geçirildi, üç penalti boldy we meýdançadan oýunçy çykaryldy. “Aýaksyň” oýunçysy Kennet Teýlor eýýäm 15-nji minutda meýdançadan çykaryldy. Londonlylar üç minutdan soň hasaby açdy – Mark Giýu jerime urgusyndan gol girizdi. Soňra Moýses Kaýsedo, Enso Fernandes (penalti), Estewao (penalti) we Taýrik Jorj tapawutlandy. Niderlandly klubdan Waut Weghorst on bir metrden teselli beriji goly geçirdi.
“Aýntraht” – “Liwerpul” 1:5
Bu oýunda birinji bolup hasaby 26-njy minutda nemes kluby açdy – Rasmus Kristensen tapawutlandy. Ýöne “Liwerpul” derrew özüni ele alyp, 10 minutda üç gol geçirdi. Hasaby Ugo Ekitike deňledi, soňra Wan Deýk, Konate, Gakpo we Soboslai gol girizdi.
Galan oýunlar:
- “Atletik” – “Karabah” 3:1
- “Galatasaraý” – “Budýo Glimt” 3:1
- “Monako” – “Tottenhem” 0:0
- “Atalanta” – “Slawiýa” 0:0
- “Sporting” – “Olimpik” Marsel 2:1
