36 ýaşly ispaniýaly futbolçy Žordi Alba MLS möwsüminiň ahyrynda karýerasyny tamamlajakdygyny aýtdy. Bu barada “Inter Maýaminiň” goragçysy Instagram-da habar berdi.
“Minnetdar, futbol, hemme zat üçin köp minnetdar” – diýip, ol sosial ulgamda ýazdy we ýörite wideo bilen paýlaşdy.
Alba “Inter Maýamide” 2023-nji ýylyň tomsundan bäri çykyş edýär. Toparda ol “Barselonadaky” öňki ýoldaşlary – Lionel Messi, Serhio Buskets we Luis Suares bilen oýnaýar. Ozal 37 ýaşly Buskets hem möwsümiň ahyrynda karýerasyny tamamlaýandygyny habar berdi.
ABŞ-a göçmezden ozal Alba on bir ýyl (2012-2023) “Barselonada” oýnady. Klub bilen alty gezek Ispaniýanyň çempionatyny, bäş gezek ýurduň Kubogyny, dört gezek Superkubogyny utdy, şeýle-de Çempionlar ligasynyň, UEFA-nyň Superkubogynyň we Klublaýyn dünýä çempionatynyň ýeňijisi boldy.
Ispaniýanyň milli ýygyndysynda Alba 93 oýna gatnaşyp, 2012-nji ýylda Ýewropa çempiony boldy, 2013-nji ýylda Konfederasiýa kubogynyň kümüş, Ýewro-2020-niň bürünç we 2023-nji ýylda Milletler ligasynyň altyn medalyny gazandy.
