BMW kompaniýasy resmi yglan etmezden, öz belli nyşanyny täzeledi. Premýera Mýunhendäki IAA Mobility 2025 awtosalonynda boldy. Ol geljekki Neue Klasse hatarynyň stilini görkezýän täze iX3 elektrik krossoweri bilen bir wagtda görkezildi diýip, Carscoops habar berýär.
Ulagyň, esasan, radiator gözeneginiň we çyralarynyň dizaýnyna üns bermek bilen, markanyň geljekki modelleri üçin hemişelik boljak nyşandaky üýtgeşmeler gözden sypypdyr.
Täze nyşanyň esasy aýratynlygy – hrom elementleriniň azalmagy boldy. Ozal BMW ýazgyly gara halkany ak we gök sektorlardan ybarat perden aýratynlandyrýan içki halka ýitdi. Şeýle-de, periň içindäki hrom germewleri aýryldy. Galan hrom “tüsse” öwüşginine eýe boldy.
BMW-niň elektromobilleri, şol sanda iX1 ulagyny aýratynlandyrmakda ulanýan gök halka gurşawy täze iX3-de ýok. Harplar inçeldi, gara fon öwüşginsiz boldy, nyşanyň özi bolsa has tekiz görünýär.
Bu kompaniýanyň logotip bilen geçiren ilkinji tejribesi däl: bäş ýyl ozal BMW has ýönekeýleşdirilen wersiýany hödürledi, ýöne ol diňe marketing materiallarynda ulanyldy. Indi täzelenen logotip iX3-den başlap, yzygiderli çykýan awtomobillerde, soňra beýleki täze we üýtgedilen modellerde peýda bolar.
