UEFA Çempionlar ligasynyň final oýnunyň başlanýan wagtynyň üýtgedilendigini habar berdi. 2025/26 möwsüminden başlap, ýaryşyň aýgytly oýny Merkezi Ýewropa wagty boýunça 21:00-da däl-de, 18:00-da (Aşgabat wagty bilen 22:00) başlar.
Gurama bu çözgüdiň tomaşaçylar, toparlar we oýny kabul edýän şäherler üçin oýun gününiň rahat bolmagyny gazanmak bilen baglanyşyklydygyny aýtdy. Oýnuň ir başlanmagy maşgalalara we çagalara möwsümiň esasy klub oýnuna arkaýyn gatnaşmaga mümkinçilik berer.
“Biz bu üýtgeşmeler bilen janköýerleriň rahatlygyny üns merkezine alýarys. UEFA-nyň Çempionlar ligasynyň finaly futbol möwsüminiň iň esasy oýny we täze wagt ony has elýeterli hem täsir galdyryjy eder.
Oýnuň Merkezi Ýewropa boýunça 21:00-da başlamagy hepdäniň ortasyndaky oýunlar üçin has laýyk gelýän bolsa-da, şenbe güni finalyň ir başlanmagy onuň goşmaça wagta ýa-da penalti tapgyryna garamazdan, ir tamamlanmagyny aňladýar we janköýerlere agşamyň galan bölegini dostlary we maşgalalary bilen geçirip, möwsümiň oýny barada pikir alyşmaga mümkinçilik berýär” – diýip, UEFA-nyň prezidenti Aleksandr Çeferin aýtdy.
