28-nji awgusta geçilen gije Çempionlar ligasynyň pleý-off tapgyrynyň soňky oýunlary tamamlandy. Netijede, Ýewropanyň esasy ýaryşynyň umumy tapgyryna gatnaşjak klublaryň ählisi belli boldy.
Ýaryş üçin ýollamany iň soňky bolup “Kaýrat” (Gazagystan), “Budýo-Glimt” (Norwegiýa), “Pafos” (Kipr), “Karabah” (Azerbaýjan), “Brýugge” (Belgiýa), “Benfika” (Portugaliýa) we “Kopengagen” (Daniýa) aldy. “Budýo-Glimt”, “Pafos” we “Kaýrat” Çempionlar ligasynyň esasy tapgyryna ilkinji gezek çykdy.
Umumy tapgyryň bije çekişigi 28-nji awgustda Monakoda geçiriler we Aşgabat wagty bilen 21:00-da başlar. Toparlar şeýle görnüşde paýlandy:
Sebet 1
- “Pari Sen-Žermen” (Fransiýa)
- Madridiň “Realy” (Ispaniýa)
- “Mançester Siti” (Angliýa)
- “Bawariýa” (Germaniýa)
- “Liwerpul” (Angliýa)
- “Inter” (Italiýa)
- “Çelsi” (Angliýa)
- Dortmundyň “Borussiýasy” (Germaniýa)
- “Barselona” (Ispaniýa)
Sebet 2
- “Arsenal” (Angliýa)
- “Baýer” (Germaniýa)
- “Atletiko” (Ispaniýa)
- “Benfika” (Portugaliýa)
- “Atalanta” (Italiýa)
- “Wilýarreal” (Ispaniýa)
- “Ýuwentus” (Italiýa)
- Frankfurtyň “Aýntrahty” (Germaniýa)
- “Brýugge” (Belgiýa)
Sebet 3
- “Tottenhem” (Angliýa)
- “PSW” (Niderlandlar)
- “Aýaks” (Niderlandlar)
- “Napoli” (Italiýa)
- “Sporting” (Portugaliýa)
- “Olimpiakos” (Gresiýa)
- “Slawiýa” (Çehiýa)
- “Budýo-Glimt” (Norwegiýa)
- “Marsel” (Fransiýa)
Sebet 4
- “Kopengagen” (Daniýa)
- “Monako” (Fransiýa)
- “Galatasaraý” (Türkiýe)
- “Ýunion” (Belgiýa)
- “Karabah” (Azerbaýjan)
- “Atletik” (Ispaniýa)
- “Nýukasl” (Angliýa)
- “Pafos” (Kipr)
- “Kaýrat” (Gazagystan)
“Oýunlaryň seneleri bilen Çempionlar ligasynyň doly senenamasy 30-njy awgustdan gijä galman hödürlener” – diýlip, UEFA-nyň saýtyndaky metbugat relizinde bellenilýär.
