Küşt boýunça 16-njy dünýä çempiony Magnus Karlsen Saud Arabystanynyň Er-Riýad şäherinde geçirilýän Kibersport dünýä kubogynyň (Esports World Cup, EWC) çägindäki küşt ýaryşynyň ýeňijisi boldy. Norwegiýaly dünýä çempiony bu ýaryşda Team Liquid toparynyň düzüminde çykyş etdi.
Finalda Karlsen Fransiýa wekilçilik edýän Alireza Firuzjany (Team Falcons) ýeňdi — dört partiýaly iki setiň ikisinde hem 3:1 hasaby bilen üstün çykdy.
Üçünji orun ugrunda amerikaly grossmeýster Hikaru Nakamura (Team Falcons) hindi küştçüsi Arjun Erigaýsini (Gen.G Esports) 5:3 we 5:2 hasaplary bilen ýeňlişe sezewar etdi.
Täsin ýeri, EWC ýaryşynda küşt kiber-sport görnüşi hökmünde geçirilýär — gatnaşyjylar tomaşaçylaryň öňünde bir zala ýerleşdirilen kompýuterleriň başynda oýnaýarlar.
Ýaryşyň jemi baýrak gaznasy 1,5 million amerikan dollary boldy.
- Magnus Karlsen ýeňiji hökmünde $250 müň,
- Alireza Firuzja — $190 müň,
- Hikaru Nakamura — $145 müň,
- Arjun Erigaýsi $115 müň baýrak aldy.
