Angliýanyň futbol boýunça milli zenanlar ýygyndysy yzygider ikinji gezek Ýewropa çempionatynda ýeňiji boldy. Bazelde geçen ýaryşyň finalynda iňlis topary häzirki dünýä çempiony bolan Ispaniýanyň toparyny utdy. Oýnuň esasy we goşmaça wagty 1:1 hasabynda tamamlandy, penalti tapgyrynda bolsa Angliýa has takyk boldy – 3:1.
Ispaniýanyň milli ýygyndysy 25-nji minutda hasaby açdy – Marion Keldente gol geçirdi. 57-nji minutda Alesiýa Russo hasaby deňledi. Penalti tapgyrynda bolsa Ispaniýa diňe bir gol geçirmegi başardy.
Angliýanyň milli ýygyndysy ýaryşda yzygider ikinji gezek ýeňiji bolmagy başaran taryhda ikinji topar boldy. Ispaniýa Ýewropa çempionatynyň finalyna ilkinji gezek çykdy, ýöne titulsyz galdy. Ozal ol 2023-nji ýylda dünýä çempionatynyň ýeňijisi boldy, finalda bolsa Angliýany 1:0 hasabynda utdy.
Final üçin Ispaniýa ähli oýunlarda, şol sanda goşmaça wagtda tamamlanan Germaniýa garşy kyn ýarym final duşuşygynda utmagy başardy. Angliýa kubok üçin göreşde toparlaýyn tapgyrda Fransiýadan utuldy, soňra pleý-off oýunlarynda Şwesiýany we Italiýany utdy.
