“Barselona” braziliýaly hüjümçi Rafinýa bilen şertnamanyň möhletiniň 2028-nji ýylyň 30-njy iýunyna çenli uzaldylandygyny resmi taýdan habar berdi.
Öňki şertnama 2027-nji ýylyň tomsuna çenli hereket edýärdi.
“Zehin we oýna gowy düşünmek onuň doly güýjüni siňdirmek we her gün agyr işi ýerine ýetirmek ukyby bilen utgaşýar. Özüne talapkär we özüni tankytlap bilýän Rafinýa täze belentliklere ýetdi we klub onuň bilen hyzmatdaşlygy azyndan 2028-nji ýyla çenli dowam etdirer” – diýip, klubuň resmi saýtyndaky beýanda aýdylýar.
Şertnamanyň maliýe taraplary barada maglumat berilmeýär.
“Meniň arzuwym karýeramyň ahyryna çenli “Barsada” galmak” – diýip, futbolçynyň özi belledi.
28 ýaşly Rafinýa 2022-nji ýylyň iýul aýynda “Lidsden” “Barselona” geçdi. Häzirki möwsümde ol ähli ýaryşlarda 56 oýna gatnaşyp, 34 gol geçirdi we 25 assist etdi. “Barsanyň” düzüminde iki gezek Ispaniýanyň çempiony boldy, ýurduň Kubogyny we iki gezek Superkubogyny utdy.
Transfermarkt portalynyň maglumatlaryna görä, Rafinýanyň bazar bahasy 80 mln ýewro.
