Dewid Bekhem Beckham & Friends Live ady bilen öz şüweleň gepleşigini başladýar. Bu barada ol öz sosial ulgamlarynda habar berdi.
Onuň ilkinji sany maý aýynda çykar. 49 ýaşly öňki futbolçy alypbaryjy hökmünde çykyş eder. Gepleşige ýyldyz myhmanlaryň gatnaşmagy göz öňünde tutulýar. Olar Bekhem bilen bilelikde futbol we beýleki ýörgünli temalar barada gürleşer. Gepleşikde Çempionlar ligasynyň oýunlaryna, şol sanda ýarym finallara we 31-nji maýda Germaniýada geçiriljek finala aýratyn üns berler.
Premýeranyň öňüsyrasynda Bekhem ýazgy ýerinden perde aňyrsyndaky kadrlary hödürledi. Şeýle-de, ol bezelen studiýany görkezdi.
2023-nji ýylda Netflix platformasynda Bekhem we onuň maşgalasy barada dokumental serial çykdy. Bu taslama internet torunda dürli çekişmelere getirdi. Bölümleriň biri has meşhur boldy: onda Wiktoriýa Bekhem işçi maşgalasynda önüp-ösendigini aýdýar. Ýöne adamsy gapydan kellesini çykaryp, ony dogrusyny aýtmaga we kakasynyň ony mekdebe Rolls-Royce-da äkidendigini boýun almaga yrýar. Diňe bir günüň içinde bu bölejik 5,3 milliondan gowrak tomaşa ýygnady.
