Madridiň “Realy” häzirki möwsümiň ilkinji alty aýynda, ýagny 2024-nji ýylyň iýul aýyndan dekabr aýy aralygynda 589,8 mln ýewro gazandy. Bu geçen möwsümiň degişli döwri bilen deňeşdirilende 27,9% köpdür diýip, As sport neşiri habar berýär.
“Santýago Bernabeu” stadionynyň iş wagtyndan daşary ulanylmagyndan gelen girdeji 43,9 mln ýewro ýetdi – bu geçen möwsümiň dowamyndaky girdejiniň 95%-ine deňdir. Oýun günleri girdeji bir ýyl ozalky 94,5 mln ýewro bilen deňeşdirilende 149,6 mln ýewro boldy.
“Realyň” öýünde geçiren 20 oýnunyň 19-ysyna 70 müňden gowrak tomaşaçy gatnaşdy.
Klubuň marketing girdejisi 38,6% artyp, 250,4 mln ýewro boldy. Şeýle-de, bölek satuwdan, hemaýatkärlikden we ygtyýarnamalaşdyrmadan alnan girdejiler ýokarlandy.
“Realyň” 2024/25 möwsümi rekord girdeji bilen tamamlamagyna garaşylýar. Geçen möwsümde klub dünýäde ilkinji bolup 1 mlrd ýewrodan gowrak girdeji gazandy.
